Ɛksodɔs 12:6 - Krio Fɔs Oli Baybul

⁶ Ivintɛm na di de we mek fotin pan di mɔnt ɛvri famili na di Izrɛlayt kɔmyuniti go kil dɛn yon animal.

Ɛksodɔs 12:6 Referans Kwoze

Lɛvitikɔs 23:5

Di ivintɛm na di fotin de insay di fɔs mɔnt, dɛn fɔ sɛlibret di Pasova to PAPA GƆD.

Di Nɔmba Dɛm 28:16

Dɛn fɔ sɛlibret di Pasova Fɛstival na fɔ ɔna mi di fotin de na di fɔs mɔnt.

Di Nɔmba Dɛm 9:11

I se dɛn fɔ du am we san go dɔŋ na di fotin de na di sɛkɛn mɔnt. Dɛn fɔ it di yɔŋ ship wit lif we bita ɛn bred we nɔ gɛt yist.

Ɛksodɔs 12:18

Frɔm ivintɛm na di de we mek fotin pan di fɔs mɔnt sote di de we mek twɛnti-wan, na bred we nɔ gɛt yist una fɔ de it.

Apɔsul Dɛn Wok 4:27

Fɔ tru, Ɛrɔd ɛn Pɔnchɔs Paylet ɛŋ ed na Jerusɛlɛm wit dɛn Roman pipul ɛn dɛn pipul na Izrɛl fɔ bagin fɔ du Jizɔs bad. Dis Jizɔs ya gi insɛf fɔ wok fɔ yu ɛn nain yu dɔn mek bi di Mɛsaya.

Izikɛl 45:21

Pan di fotin de na di fɔs mɔnt, una go sɛlibret di pasova fist, ɛn una go de it bred we nɔ gɛt yist fɔ di sɛvin de.

Ɛksodɔs 16:12

“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Lyuk 23:18

So ɔl di pipul dɛn ala se, “Kil dis man ɛn fri Bara bas.”

Lyuk 23:1

Na de ɔl di pipul dɛn we bin de jɔj na di Ju gran kot grap ɛn kɛr Jizɔs go bifo Paylet.

Mak 15:25

Na bin nayn oklɔk mɔnin dɛn nel Jizɔs pan di krɔs.

Mak 15:11

Dɛn tɛl di pipul dɛn fɔ tɛl Paylet se, na Bara bas i fɔ pul kɔmɔt na jel.

Mak 15:8

Plɛnti pipul go mit Paylet ɛn tɛl am mek i du lɛkɛ aw i kin du da Ju ɔlide de.

Mak 15:1

Wɛn do klin, di bigman dɛn we de mek sakrifays fɔ pipul sin, di ɔda Ju bigman dɛn, di Ju Lɔ ticha dɛn, ɛn ɔl di ɔda mɛmba dɛn na di Ju gran kot go ɛŋ ed. Dɛn mek dɛn tay Jizɔs ɛn kɛr am go bifo Paylet.

Matyu 27:25

Ɔl di pipul dɛn se, “Mek di lod de pan wi ɛn wi pikin dɛn fɔ di day we dis man fɔ day!”

Matyu 27:20

Di bigman dɛn we de mek sakrifays fɔ pipul sin ɛn di ɔda Ju bigman dɛn koks di krawd sote di pipul dɛn tɛl Paylet fɔ fri Bara bas ɛn kil Jizɔs.

Di Nɔmba Dɛm 28:18

Di fɔs de, dɛn ɔl fɔ kam togɛda ɛn du tin dɛn we oli. Dɛn nɔ fɔ du dɛn nɔmal wok we dɛn kin du ɛvride.

Apɔsul Dɛn Wok 3:14

Jizɔs na bin man we tret ɛn i bin gi insɛf to Gɔd. Una bin tɔk bad bɔt Jizɔs ɛn una beg Paylet se mek i kil Jizɔs ɛn lɛf wan man we kil pɔsin.

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Ɛksodɔs 12:14

Una fɔ mɛmba dis de ɔltɛm, ɛn ɛvri ia una fɔ sɛlibret am as spɛshal fɛstival to mi we na una PAPA GƆD.

Ɛksodɔs 12:17

Una fɔ sɛlibret di fɛstival wit bred we nɔ gɛt yist, fɔ mek una go de mɛmba di de we a pul una kɔmɔt bay una famili na Ijipt. Una fɔ sɛlibret dis fɛstival ɔltɛm.

Ɛksodɔs 12:47

Ɛn ɔl di Izrɛlayt dɛn fɔ sɛlibret di pasova.

Ɛksodɔs 16:1

Di pipul dɛn lɛf Ilim ɛn go na di ɛmti ples we pɔsin nɔ go ebul tap na Sin we de midul Ilim ɛn Mawnt Saynay. Dis apin di de we mek fiftin na di sɛkɛn mɔnt afta we dɛn bin dɔn lɛf Ijipt.

Ɛksodɔs 19:1

Di Izrɛlayt dɛn lɛf Refidim we de na Ijipt fɔ go Mawnt Saynay.

2 Kronikuls 35:1

Josaya kip di pasova to PAPA GƆD na Jerusɛlɛm ɛn dɛn kil di pasova ship pikin di fotin de insay di fɔs mɔnt.

Ɛzra 6:19

Di pipul dɛn sɛlibret pasova di de we mek fotin na di fɔs mɔnt di ɔda ia.

Ɛksodɔs 29:39

Yu fɔ sakrifays wan ship na mɔnin, dɔn di ɔda ship ivintɛm.

Ɛksodɔs 29:41

Yuz di sem kwantiti flawa, ɔliv ɔyl ɛn wayn we yu yuz fɔ di mɔnin sakrifays wit di ɔda yɔŋ ship we yu de sakrifays ivintɛm. We di smok de kam ɔp to mi PAPA GƆD a kin lɛk di sɛnt.

Jɔshwa 5:10

Di ivintɛm na di de we mek fɔtin da mɔnt de, di Izrɛlayt dɛn bin sɛlibret di Fist ɔf di Pasova na di ples we nɔ gɛt il na Gilgal.