Ɛksodɔs 12:48 - Krio Fɔs Oli Baybul

⁴⁸ “Ɛni fɔrina we de wit una we want fɔ sɛlibret PAPA GƆD in pasova fɔ sakɔmsayz ɔl di man dɛn nain os; da tɛm de naw i kin jɔyn lɛk fɔ se in na wan pan una. Ɛni man we nɔ sakɔmsayz nɔ fɔ it pan am.

Ɛksodɔs 12:48 Referans Kwoze

Di Nɔmba Dɛm 9:14

I se, if fɔrina dɛn tap wit di Izrɛlayt dɛn ɛn dɛn want fɔ tek pat pan PAPA GƆD in gladi-gladi, dɛn kin du so wans dɛn fala ɔl di lɔ dɛn we i gɛt. Na di sem lɔ fɔ di fɔrina ɛn di Izrɛlayt.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Izikɛl 47:22

Una go so sheb am dat i go bi una yon prɔpati ɛn fɔ di trenja dɛm we de wit una ɛn dɔn bɔn pikin dɛm di tɛm we dɛn de wit una. Dɛn go tan to una lɛk bonifay Izrɛl bɔypikin dɛn; ɛn dɛnsɛf go gɛt dɛn yon prɔpati wit una, pan di Izrɛl fambul dɛm.

Ɛksodɔs 12:43

PAPA GƆD tɔk to Mozis ɛn Erɔn. I se, “Na dɛn lɔ yaso una fɔ kip we una fɔ sɛlibret pasova: Nɔn fɔrina nɔ fɔ it pan am.

Ɛksodɔs 12:19

Dɛn sɛvin de de, nɔbɔdi nɔ fɔ kip ɛni yist nain os. Ɛnibɔdi we it ɛnitin we yist de pan dɛn fɔ pul am kɔmɔt na di Izrɛlayt kɔmyuniti, i lɛk sɛf di pɔsin na fɔrina we tap wit una.

Izikɛl 44:9

Fɔseka dat na dis PAPA GƆD se: nɔn fɔrena, we in at ɛn flɛsh nɔ sakɔmsayz pan ɔl di fɔrena dɛn we de na Izrɛl nɔ fɔ go usay dɛn de pre to mi.

Jɛnɛsis 17:12

Ɔl bɔypikin fɔ sakɔmsayz we i dɔn ol et de; wɛda i bɔn na yu os ɔ yu bay am frɔm ɛni trenja,

Jɛnɛsis 17:11

Frɔm naw sote go, ɔl di man dɛn fɔ sakɔmsayz we nain go sho se Kɔvinant de bitwin mi ɛn una.

Izikɛl 14:7

Bikɔs ɛni wan pan di pipul dɛn na Izrɛl, ɔ pan di trenja dɛn na Izrɛl, we tɔn in bak pan mi, put in lay lay gɔd dɛn nain at ɛn put in sin we de blɔk am, bifo in fes, ɛn stil de kam to di prɔfɛt fɔ fɛnɔt bɔt insɛf to mi, na misɛf we na PAPA GƆD go ansa am;

Lɛvitikɔs 19:34

Dɛn fɔ trit di trenja we tap wit dɛn lɛk wan pan dɛn; fɔ lɛk am lɛk aw dɛn lɛk dɛnsɛf bikɔs dɛnsɛf na bin trenja na Ijipt; I se nain na PAPA GƆD we na dɛn GƆD.