Ɛksodɔs 12:21 - Krio Fɔs Oli Baybul

²¹ Dɛn Mozis sɛn kɔl ɔl di big wan dɛn pan di Izrɛlayt dɛn ɛn tɛl dɛn mek dɛn pik wan yɔŋ ship ɔ got ɛn kil am so dat dɛn famili dɛn go sɛlibret di pasova fɛstival.

Ɛksodɔs 12:21 Referans Kwoze

Ɛksodɔs 12:3

Tɛl ɔl di Izrɛlayt pipul dɛn se di de we mek tɛn na dis mɔnt ɛvri famili fɔ chuz wan yɔŋ ship ɔ yɔŋ got fɔ mek sakrifays.

Ɛzra 6:20

Da tɛm de di man dɛn we de mek sakrifays fɔ pipul sin ɛn di Livayt dɛn bin dɔn pyurifay dɛnsɛf, dɛn ɔl bin klin bay wetin di lɔ se. Na di Livayt dɛn kil di ship fɔ di pasova fɔ ɔl dɛn wan we kɔmɔt Babilɔn kam bak, dɛn brɔda dɛn we na man dɛn we de mek sakrifays fɔ pipul sin ɛn fɔ dɛnsɛf.

2 Kiŋ 23:21

Kiŋ Josaya gi ɔda to di pipul dɛn se lɛ dɛn sɛlibret di fɛstival fɔ mɛmba di tɛm we di enjɛl pas oba fɔ ɔna PAPA GƆD lɛkɛ aw dɛn rayt na di Kɔvinant Buk.

Jɔshwa 5:10

Di ivintɛm na di de we mek fɔtin da mɔnt de, di Izrɛlayt dɛn bin sɛlibret di Fist ɔf di Pasova na di ples we nɔ gɛt il na Gilgal.

Di Nɔmba Dɛm 11:16

PAPA GƆD ansa Mozis se, “Briŋ sɛvinti bigman we ɔlman no as bigman dɛn na Izrɛl. Lɛ yu ɛn dɛn ɔl go na di Tɛnt usay wi kin mit.

Ɛksodɔs 19:7

Mozis go bak ɛn kɔl ɔl di edman dɛn fɔ di pipul ɛn tɛl dɛn ɔl wetin PAPA GƆD tɛl am.

Ɛksodɔs 17:5

PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go.

Ɛksodɔs 12:11

Dɛn fɔ it dis it ya kwik kwik wan. We dɛn de it am dɛn fɔ dɔn drɛs lɛkɛ udat dɔn rɛdi fɔ go patrol. Dɛn fɔ wɛr dɛn sandals na dɛn fut ɛn ol dɛn wɔkinstik. Dis pasova fɛstival na fɔ ɔna mi.

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

1 Kɔrint 10:4

ɛn dɛn ɔl bin de drink di sem drink we Gɔd gi dɛn. Na Gɔd in rɔk we bin de go wit dɛn, na de dɛn bin de gɛt fɔ drink; ɛn da rɔk de na bin Krays insɛf.

Di Ibru Pipul Dɛn 11:28

Na bikɔs Mozis bin biliv Gɔd mek i bigin di Pasova wɛn i tɛl di Izrɛl pipul dɛn fɔ ib ib blɔd pan dɛn do, so dat wɛn di enjɛl we de kil dɛn fɔs bɔy pikin, kam, i nɔ go kil di Izrɛl pipul dɛn yon fɔs bɔy pikin dɛn.

Ɛksodɔs 12:20

Mek a tɔk am bak. Dɛn sɛvin de dɛn de una nɔ fɔ it ɛnitin we gɛt yist pan am. Una fɔ it bred we nɔ gɛt yist.”