Ɛksodɔs 12:19 - Krio Fɔs Oli Baybul

¹⁹ Dɛn sɛvin de de, nɔbɔdi nɔ fɔ kip ɛni yist nain os. Ɛnibɔdi we it ɛnitin we yist de pan dɛn fɔ pul am kɔmɔt na di Izrɛlayt kɔmyuniti, i lɛk sɛf di pɔsin na fɔrina we tap wit una.

Ɛksodɔs 12:19 Referans Kwoze

Ɛksodɔs 12:15

“Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Ditarɔnɔmi 16:3

Mozis tɛl di Izrɛlayt dɛn se dɛn fɔ it di bif we dɛn go dɔn sakrifays dɔn wit bred we nɔ gɛt yist, we dɛn bin de kɔl trɔbul bred. I se na da kayn bred de dɛn fɔ de it fɔ sɛvin de. I se dɛn fɔ de du dat ɛvri ia, so dat dɛn nɔ go fɔgɛt di de we dɛn bin kɔmɔt na Ijipt ɔri ɔri wan.

Ɛksodɔs 23:15

Di fɔs wan we na di ɔlide fɔ it bred we nɔ gɛt yist pan am, fɔ bi insay Abib mɔnt, dat na dis mɔnt we una lɛf Ijipt. Una mek di ɔlide ya fɔ ɔna mi. Nɔbɔdi nɔ fɔ kam bifo mi ɛmti an.

Di Nɔmba Dɛm 9:13

If ɛni man we nɔ klin nain yay ɛn i nɔ go patrol nɔ jɔyn in kɔmpin dɛn fɔ sɛlibret di Pasova Fɛstival, dɛn fɔ drɛb am bikɔs i nɔ mek sakrifays to PAPA GƆD di tɛm we i se i fɔ du am. Di man go gɛt fɔ bia wit wetin di sin we i kɔmit gi am.

Ɛksodɔs 34:18

“Una fɔ sɛlibret di fɛstival fɔ mɛmba di pasova. Lɛkɛ aw nɔmɔ a bin dɔn tɛl una, una fɔ it bred we nɔ gɛt yist fɔ sɛvin de insay Abib mɔnt, bikɔs na da mɔnt de una bin lɛf Ijipt.

Ɛksodɔs 12:48

“Ɛni fɔrina we de wit una we want fɔ sɛlibret PAPA GƆD in pasova fɔ sakɔmsayz ɔl di man dɛn nain os; da tɛm de naw i kin jɔyn lɛk fɔ se in na wan pan una. Ɛni man we nɔ sakɔmsayz nɔ fɔ it pan am.

Ɛksodɔs 12:43

PAPA GƆD tɔk to Mozis ɛn Erɔn. I se, “Na dɛn lɔ yaso una fɔ kip we una fɔ sɛlibret pasova: Nɔn fɔrina nɔ fɔ it pan am.

Ɛksodɔs 12:20

Mek a tɔk am bak. Dɛn sɛvin de dɛn de una nɔ fɔ it ɛnitin we gɛt yist pan am. Una fɔ it bred we nɔ gɛt yist.”

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Ɛksodɔs 13:7

I tɛl dɛn bak se na bred we nɔ gɛt yist nɔmɔ dɛn fɔ it fɔ da sɛvin de de, ɛn wɔn dɛn se, nɔbɔdi nɔ fɔ kip yist nain os, ɛn dɛn nɔn nɔ fɔ kip yist ɛnisay insay di kɔntri da tɛm de.

Lɛvitikɔs 23:5

Di ivintɛm na di fotin de insay di fɔs mɔnt, dɛn fɔ sɛlibret di Pasova to PAPA GƆD.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”