Ɛksodɔs 12:15 - Krio Fɔs Oli Baybul

¹⁵ “Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Ɛksodɔs 12:15 Referans Kwoze

Ditarɔnɔmi 16:3

Mozis tɛl di Izrɛlayt dɛn se dɛn fɔ it di bif we dɛn go dɔn sakrifays dɔn wit bred we nɔ gɛt yist, we dɛn bin de kɔl trɔbul bred. I se na da kayn bred de dɛn fɔ de it fɔ sɛvin de. I se dɛn fɔ de du dat ɛvri ia, so dat dɛn nɔ go fɔgɛt di de we dɛn bin kɔmɔt na Ijipt ɔri ɔri wan.

Jɛnɛsis 17:14

Ɛni man we nɔ sakɔmsayz dɔn brok mi Kɔvinant. I nɔ fɔ de wit in pipul dɛn.”

Di Nɔmba Dɛm 9:13

If ɛni man we nɔ klin nain yay ɛn i nɔ go patrol nɔ jɔyn in kɔmpin dɛn fɔ sɛlibret di Pasova Fɛstival, dɛn fɔ drɛb am bikɔs i nɔ mek sakrifays to PAPA GƆD di tɛm we i se i fɔ du am. Di man go gɛt fɔ bia wit wetin di sin we i kɔmit gi am.

Ɛksodɔs 34:18

“Una fɔ sɛlibret di fɛstival fɔ mɛmba di pasova. Lɛkɛ aw nɔmɔ a bin dɔn tɛl una, una fɔ it bred we nɔ gɛt yist fɔ sɛvin de insay Abib mɔnt, bikɔs na da mɔnt de una bin lɛf Ijipt.

Ɛksodɔs 23:15

Di fɔs wan we na di ɔlide fɔ it bred we nɔ gɛt yist pan am, fɔ bi insay Abib mɔnt, dat na dis mɔnt we una lɛf Ijipt. Una mek di ɔlide ya fɔ ɔna mi. Nɔbɔdi nɔ fɔ kam bifo mi ɛmti an.

Ditarɔnɔmi 16:8

Mozis tɛl dɛn se dɛn fɔ it bred we nɔ gɛt yist fɔ siks de, ɛn di de we mek sɛvin, dɛn nɔ fɔ du nɔn wok; na di de we dɛn ɔl fɔ mit wansay ɛn wɔship PAPA GƆD we na dɛn PAPA GƆD.

Di Nɔmba Dɛm 28:17

Di fiftin de dɛn fɔ mek gladi-gladi we dɛn fɔ it bred we nɔ gɛt yist fɔ sɛvin de.

Ɛksodɔs 34:25

“Una nɔ fɔ yuz bred we gɛt yist wɛn una de ɔfa animal sakrifays to mi; ɛn ɛni animal we una kil fɔ ɔfa di pasova sakrifays, nɔn pan am nɔ fɔ lɛf te di nɛks de.

Ɛksodɔs 12:8

Da sem nɛt de dɛn fɔ ros di animal we dɛn dɔn kil ɛn it in bif wit bita tin dɛn ɛn bred we nɔ gɛt yist.

Lɛta Fɔ Galeshya 5:12

A de abop se di pipul dɛn we de mek una at wam go kɔmɔt biɛn una, ɛn lɛf una to unasɛf.

Apɔsul Dɛn Wok 12:3

Wɛn di kiŋ si se di Ju pipul dɛn gladi fɔ wetin i du, i du ɔda bad tin; i mek soja man dɛn ol Pita. Ɔl dis bi di tɛm we dɛn bin gɛt wan Ju ɔlide we dɛn kin it bred we nɔ gɛt yist.

Lyuk 12:1

Di pipul dɛn we bin gɛda bin plɛnti te nɔbɔdi nɔ ebul kɔnt dɛn, dɛn bin so plɛnti dat dɛn bin de mas mas dɛn kɔmpin, ples nɔ bin de fɔ put fut. Jizɔs tɔk to in lanin bɔy dɛn, i se, “Una tek tɛm mek unasɛf nɔ go ipokrit lɛkɛ dɛn Faresi; di ipokrit we dɛn ipokrit tan lɛkɛ aw yist kin prɛd insay flawa.

Matyu 16:12

Da tɛm de in lanin bɔy dɛn ɔndastand se, Jizɔs nɔ bin de wɔn dɛn fɔ tek tɛm wit di yist we dɛn de put pan bred, bɔt i bin min se dɛn fɔ tek tɛm wit wetin di Faresi ɛn di Sadyusi dɛn de lan pipul.

Malakay 2:12

Dɛn se mek PAPA GƆD lɛ di wan dɛn we de biev so kɔmɔt na di Izrɛlayt dɛn kɔmyuniti ɔ mek i nɔ ansa dɛn prea ɛnitɛm we dɛn wan gi am sɔntin.

Ditarɔnɔmi 16:5

Mozis tɛl dɛn se dɛn nɔ fɔ mek di Pasova sakrifays na nɔn pan di ɔda siti dɛn we PAPA GƆD we na dɛn PAPA GƆD go gi dɛn,

Lɛvitikɔs 17:14

Bikɔs we blɔd de pan ɛnitin dat min se i gɛt layf, na dat mek PAPA GƆD se nɔ fɔ it ɛnitin we gɛt blɔd, as na we ɛnitin gɛt blɔd yu go se i gɛt layf; if pɔsin it blɔd i nɔ go miks wit ɔda pipul igen

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Ɛksodɔs 31:14

Una fɔ sho rɛspɛkt fɔ di de fɔ pre ɛn blo bikɔs dis de yaso oli. Ɛnibɔdi we nɔ rɛspɛkt dis de yaso, dɛn fɔ kil am. Ɛnibɔdi we du ɛni wok insay dis de nɔ fɔ miks wit in kɔmpin dɛn.

Lyuk 2:43

Wɛn di ɔlide dɔn, Meri ɛn Josɛf bin de tɔn bak go Nazarɛt, bɔt Jizɔs nɔ bin kɔmɔt Jerusɛlɛm yet. In mama ɛn papa nɔ bin no.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

2 Kronikuls 30:21

Ɛn Izrɛl in pipul dɛm we prɛzɛnt na Jerusɛlɛm kip di kuk fɔ bred we nɔ gɛt yist sɛvin day wit kɔku bɔku gladi ɛn ɛvri de di Livayt ɛn di man we de mek sakrifays fɔ pipul sin dɛm bin de prez PAPA GƆD de siŋ wit ɔl dɛn trɛnk to PAPA GƆD.

Ɛzra 6:22

Di pipul dɛn bin sɛlibret di pasova fɛstival fɔ sɛvin de ɛn it bred we nɔ gɛt yist. Di wanol siti bin mek big big sɛlibreshɔn bikɔs PAPA GƆD chenj di Kiŋ na Asiria in atityud ɛn mek i ɛp dɛn pan di wok na PAPA GƆD, Izrɛl dɛn GƆD in os.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Ɛksodɔs 30:38

Ɛnibɔdi we mek dis kayn insɛns ɛn se na pafyum fɔ insɛf nɔ fɔ miks pan mi pipul dɛn.”