Ɛksodɔs 12:13 - Krio Fɔs Oli Baybul

¹³ Di blɔd we una go rɔb na una domɔt frem go bi sayn fɔ sho se na una de na dɛn os dɛn de. We a si di blɔd a go pas oba una ɛn nɔn pan una nɔ go day we dis waala kam na Ijipt.

Ɛksodɔs 12:13 Referans Kwoze

Di Ibru Pipul Dɛn 11:28

Na bikɔs Mozis bin biliv Gɔd mek i bigin di Pasova wɛn i tɛl di Izrɛl pipul dɛn fɔ ib ib blɔd pan dɛn do, so dat wɛn di enjɛl we de kil dɛn fɔs bɔy pikin, kam, i nɔ go kil di Izrɛl pipul dɛn yon fɔs bɔy pikin dɛn.

Ɛksodɔs 12:23

bikɔs PAPA GƆD pas insay Ijipt ɛn kil ɔl di Ijipshian dɛn fɔs-bɔy-pikin. I se, we PAPA GƆD si di blɔd na una domɔt nɔ go mek di enjɛl we de fɔ kil go insay una os ɛn kil una fɔs-bɔy-pikin dɛn.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Jɛnɛsis 17:11

Frɔm naw sote go, ɔl di man dɛn fɔ sakɔmsayz we nain go sho se Kɔvinant de bitwin mi ɛn una.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Jɔshwa 2:12

Reab tɛl dɛn fɔ swɛ na PAPA GƆD in nem ɛn prɔmis an se, we in dɔn sev dɛn layf, dɛnsɛf go sev in ɛn in fambul dɛn layf we dɛn go go fɔ go nyakanyaka Jɛriko. I se dɛn fɔ tɛl an wetin go mek i biliv se dɛn go sev dɛn.

Ɛksodɔs 12:11

Dɛn fɔ it dis it ya kwik kwik wan. We dɛn de it am dɛn fɔ dɔn drɛs lɛkɛ udat dɔn rɛdi fɔ go patrol. Dɛn fɔ wɛr dɛn sandals na dɛn fut ɛn ol dɛn wɔkinstik. Dis pasova fɛstival na fɔ ɔna mi.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Ɛksodɔs 12:7

Dɛn fɔ tek sɔm pan di animal in blɔd ɛn rɔb am na di domɔt in frem, di wan we krɔs pantap ɛn di tu we tinap tret. Nainsay di os dɛn de dɛn go gɛt fɔ it di animal.

Jɔshwa 2:18

Dɛn tɛl Reab se, di de we dɛn go atak di siti, i fɔ tay da rɛd rop we dɛn de tek go dɔŋ di winda ɛn fɔ gɛda ɔl in fambul dɛn we i wan lɛ dɛn sev nain yon os.