Ɛksodɔs 12:11 - Krio Fɔs Oli Baybul

¹¹ Dɛn fɔ it dis it ya kwik kwik wan. We dɛn de it am dɛn fɔ dɔn drɛs lɛkɛ udat dɔn rɛdi fɔ go patrol. Dɛn fɔ wɛr dɛn sandals na dɛn fut ɛn ol dɛn wɔkinstik. Dis pasova fɛstival na fɔ ɔna mi.

Ɛksodɔs 12:11 Referans Kwoze

Ɛksodɔs 12:27

una fɔ tɛl dɛn se, “PAPA GƆD bin pas oba di Izrɛlayt dɛn os na Ijipt ɛn i bin kil di Ijipshian dɛn bɔt i bin sɔri fɔ di Izrɛlayt dɛn.” Dɛn ɔl di pipul dɛn baw dɛn ed ɛn wɔship PAPA GƆD.

Lɛta Fɔ Ɛfisɔs 6:15

Una fɔ wɛr di sus we go mek una rɛdi fɔ tɛl pipul di Gud Nyuz we de gi kol at.

1 Kɔrint 5:7

Una fɔ pul una sin we tan lɛkɛ yist kɔmɔt na una layf, mek una layf go klin. Da tɛm de una go jɛs tan lɛkɛ bred we nɔ gɛt yist, ɛn a no se na so una tan. Krays na di ship we dɛn dɔn sakrifays fɔ wi yon Pasova.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Lyuk 12:35

“Una fɔ rɛdi fɔ wetin de kam, una tay una bɛlt tayt, layt una lamp, ɛn nɔ mek dɛn ɔt.

Di Nɔmba Dɛm 28:16

Dɛn fɔ sɛlibret di Pasova Fɛstival na fɔ ɔna mi di fotin de na di fɔs mɔnt.

Lɛvitikɔs 23:5

Di ivintɛm na di fotin de insay di fɔs mɔnt, dɛn fɔ sɛlibret di Pasova to PAPA GƆD.

Ɛksodɔs 12:43

PAPA GƆD tɔk to Mozis ɛn Erɔn. I se, “Na dɛn lɔ yaso una fɔ kip we una fɔ sɛlibret pasova: Nɔn fɔrina nɔ fɔ it pan am.

Ɛksodɔs 12:21

Dɛn Mozis sɛn kɔl ɔl di big wan dɛn pan di Izrɛlayt dɛn ɛn tɛl dɛn mek dɛn pik wan yɔŋ ship ɔ got ɛn kil am so dat dɛn famili dɛn go sɛlibret di pasova fɛstival.

Lyuk 15:22

Bɔt di papa tɛl in bɔy dɛn se, ‘Una rɔn go briŋ da klos we fayn pas ɔl dɛn ɔda klos kam wɛr am pan dis mi pikin ya, una put riŋ nain fiŋa ɛn wɛr sus nain fut.

Lyuk 7:38

Di uman go butu klos Jizɔs in fut ɛn bigin kray bita wan saful saful. Di wata we kɔmɔt nain yay sok Jizɔs in fut. I tek in ia wep Jizɔs in fut, dɔn i kis Jizɔs in fut fɔ sho se in rɛspɛkt am, dɔn i tek di sɛnt na di bɔtul ɛn rɔb ɔl na Jizɔs in fut.

Ɛksodɔs 12:13

Di blɔd we una go rɔb na una domɔt frem go bi sayn fɔ sho se na una de na dɛn os dɛn de. We a si di blɔd a go pas oba una ɛn nɔn pan una nɔ go day we dis waala kam na Ijipt.

Lyuk 2:41

Ɛvri ia Jizɔs in mama ɛn papa kin go na Jerusɛlɛm wɛn di tɛm rich fɔ wan Ju ɔlide we nem Pasova.

Ayzaya 52:12

Bikɔs una nɔ go kɔmɔt go ɔri ɔri wan, ɛn una nɔ go go lɛk udat de rɔnawe, bikɔs PAPA GƆD go de bifo una, ɛn na Izrɛl dɛn Gɔd go gyad una bak.

Di Nɔmba Dɛm 9:1

Afta dɛn kɔmɔt Ijipt na di fɔs mɔnt na di sɛkɛn ia, PAPA GƆD tɔk to Mozis.

Ditarɔnɔmi 16:1

Mozis tɛl di Izrɛlayt dɛn se dɛn fɔ de sɛlibret di pasova to PAPA GƆD we na dɛn PAPA GƆD, ɛn dɛn fɔ de du am fɔ PAPA GƆD we na dɛn PAPA GƆD in sek ɛvri Abib mɔnt we na di mɔnt we PAPA GƆD we na dɛn PAPA GƆD bin pul dɛn kɔmɔt na Ijipt na nɛt.

Jɔshwa 5:10

Di ivintɛm na di de we mek fɔtin da mɔnt de, di Izrɛlayt dɛn bin sɛlibret di Fist ɔf di Pasova na di ples we nɔ gɛt il na Gilgal.

2 Kiŋ 23:21

Kiŋ Josaya gi ɔda to di pipul dɛn se lɛ dɛn sɛlibret di fɛstival fɔ mɛmba di tɛm we di enjɛl pas oba fɔ ɔna PAPA GƆD lɛkɛ aw dɛn rayt na di Kɔvinant Buk.

Izikɛl 45:21

Pan di fotin de na di fɔs mɔnt, una go sɛlibret di pasova fist, ɛn una go de it bred we nɔ gɛt yist fɔ di sɛvin de.