Ɛksodɔs 11:7 - Krio Fɔs Oli Baybul

⁷ Bɔt dɔg sɛf nɔ go bak usay di Izrɛlayt dɛn de. Da tɛm de yu go no se PAPA GƆD de trit di Izrɛlayt dɛn difrɛn frɔm aw i de trit de Ijipshian dɛn.

Ɛksodɔs 11:7 Referans Kwoze

Jɔshwa 10:21

Ɔl di Izrɛlayt dɛn we bin go fɛt, tɔn bak go mit Jɔshwa na Makɛda. Nɔbɔdi na da land de nɔ mistek opin mɔt pan di Izrɛlayt dɛn.

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

Ɛksodɔs 10:23

Dɛn nɔn nɔ bin ebul fɔ si dɛn kɔmpin ɔ go ɛnisay fɔ tri de. Bɔt layt bin de usay di Izrɛlayt pipul dɛn tap.

Ɛksodɔs 8:22

Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri.

Ɛksodɔs 9:4

Bɔt a nɔ go trit di Izrɛlayt dɛn animal dɛn so. Wan pan di Izrɛlayt dɛn animal sɛf nɔ go day.

Job 5:16

Dat de mek di poman gɛt op ɛn lɔk bad pipul dɛn mɔt.

1 Kɔrint 4:7

Udat mek una bɛtɛ pas ɔda pipul? Nɔto Gɔd gi una ɔl wetin una gɛt? If na so, wetin fɔ mek una bost, lɛkɛ se nɔto gi Gɔd gi una ɔl wetin una gɛt?

Ɛksodɔs 7:22

Bɔt di majikman dɛn na Ijipt dɛnsɛf yuz dɛn majik pawa ɛn tɔn wata to blɔd. Dis mek di kiŋ stil mek traŋayes. I nɔ gri fɔ du wetin Mozis ɛn Erɔn se jɛs lɛkɛ aw PAPA GƆD bin dɔn se.

Ɛksodɔs 9:26

Bɔt wan ren lɛkɛ dat nɔ fɔdɔm na di aria we di Izrɛlayt dɛn bin de na Goshɛn.

Di Sam Dɛm 7:12

PAPA GƆD de rɛdi fɔ atak dɛn bad pipul ya if dɛn nɔ chenj.

Ɛksodɔs 8:19

Di majikman dɛn tɛl di kiŋ se, “na PAPA GƆD in pawa de wok so, bɔt di kiŋ nɔ lisin to dɛn. I stil mek traŋayes lɛkɛ aw PAPA GƆD bin dɔn se i go du.