Ɛksodɔs 11:6 - Krio Fɔs Oli Baybul

⁶ Pipul dɛn go de kray lawd lawd wan ɔl say na Ijipt we nɔ wande bi ɛn nɔ go bi igen

Ɛksodɔs 11:6 Referans Kwoze

Ɛksodɔs 12:30

Da nɛt de, di kiŋ, in ɔfisa dɛn ɛn ɔl di pipul dɛn bin wek ɛn bɔku, bɔku kray bin de ɔlsay na Ijipt. Nɔn os nɔ de we dedebɔdi nɔ bin le.

Emɔs 5:17

Na soso kray go de na dɛn vayn frut fam sɛf we dɛn nɔba kray. Na misɛf go du dis fɔ pɔnish una. “Na so PAPA GƆD se.

Lyuk 13:28

Una go si Ebraam, Ayzak, Jekɔb ɛn ɔl dɛn prɔfɛt insay di ples we Gɔd de rul, bɔt una go kray bita wan ɛn bɛt una tɔŋ bikɔs dɛn lɔk una na do.

Zɛfinaya 1:10

PAPA GƆD se da de de, dɛn go yɛri we di pipul dɛn na di Fish Get de kray, dɛn go yɛri kray de kɔmɔt na di Sɛkɛn Kwata pantap di il dɛn we di bildin dɛn go fɔdɔm.

Lamɛnteshɔn 3:8

ɔl we a de kray fɔ lɛ dɛn ɛp mi, i nɔ de tek mi prea;

Jɛrimaya 31:15

Na dis PAPA GƆD se: “Dɛn yɛri wan vɔys na Rama, bita bita kray. Rechɛl de kray fɔ in pikin dɛm; i nɔ gri fɔ tek ɔsh fɔ in pikin dɛm, bikɔs dɛn dɔn day.”

Ayzaya 15:8

Bikɔs di kray dɔn go ɔl rawnd Moab; di kray dɔn rich Ɛglaim, di kray dɔn rich Bierilim.

Prɔvabs 21:13

Udat sɛt yes pan poman wɛn i want am fɔ ɛp am, dɛn go sɛt yes pan insɛf wɛn in yon tɔn rich.

Ɛksodɔs 3:7

Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Ɛksodɔs 11:7

Bɔt dɔg sɛf nɔ go bak usay di Izrɛlayt dɛn de. Da tɛm de yu go no se PAPA GƆD de trit di Izrɛlayt dɛn difrɛn frɔm aw i de trit de Ijipshian dɛn.

Ɛksodɔs 9:18

Go tumara bay dis tɛm a go sɛn big big tinada blo, dɔn di ren we go fɔdɔm go fiba grabul-grabul. Dis kayn ren ya nɔ wande fɔdɔm na Ijipt.

Ayzaya 19:16

Da de de, di Ijipshian dɛn go tan lɛk uman, ɛn go trimbul de fred bifo di an we PAPA GƆD Ɔlmayti de shek na Ijipt.