Ɛksodɔs 11:5 - Krio Fɔs Oli Baybul

⁵ ɛn ɔl di fɔs-bɔy-pikin dɛn na Ijipt go day. Frɔm di kiŋ in yon fɔs-bɔy-pikin we nain gɛt fɔ bi kiŋ afta am, rayt dɔŋ to di slev uman we de gren kɔn in yon fɔs-bɔy-pikin dɔn ɔl go day man wan dɛn we dɛn bɔn fɔs pan di kaw dɛnsɛf go day.

Ɛksodɔs 11:5 Referans Kwoze

Di Sam Dɛm 78:51

I kil ɔl di bɔypikin dɛn we bɔn fɔs na di Ijipshian famili dɛn.

Matyu 24:41

Tu uman dɛn go de gren, enjɛl dɛn go kam tek wan ɛn lɛf di ɔda wan.

Di Sam Dɛm 136:10

Nain bin mek dɛn Ijipshian dɛn fɔs pikin day, in lɔv de de sote go;

Di Sam Dɛm 135:8

I mek di fɔs pikin dɛn we bɔn na Ijipt day di fɔs wan pan mɔtalman ɛn di fɔs wan pan animal.

Di Sam Dɛm 105:36

Dɔn PAPA GƆD mek ɔl di fɔs pikin dɛn day na di kɔntri, na di fɔs pikin de sho se dɛn na man.

Ɛksodɔs 13:15

Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an.

Ɛksodɔs 12:29

Midul nɛt PAPA GƆD kil ɔl di fɔs-bɔy-pikin dɛn na Ijipt. Frɔm di kiŋ we de rul in yon fɔs-bɔy-pikin to di jelman we de na lɔkɔp in sɛf yon fɔs-bɔy-pikin. Ɛn i kil di animal dɛnsɛf yon fɔs man pikin.

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Ɛksodɔs 4:23

so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.

Di Ibru Pipul Dɛn 11:28

Na bikɔs Mozis bin biliv Gɔd mek i bigin di Pasova wɛn i tɛl di Izrɛl pipul dɛn fɔ ib ib blɔd pan dɛn do, so dat wɛn di enjɛl we de kil dɛn fɔs bɔy pikin, kam, i nɔ go kil di Izrɛl pipul dɛn yon fɔs bɔy pikin dɛn.

Lamɛnteshɔn 5:13

Dɛn de fos yɔŋman dɛn fɔ gren na di mil ɛn dɛn lili bɔbɔ dɛn, ebi ebi wud fɔ tot.

Ayzaya 47:2

Tek pɛpɛ ston ɛn gren tin fɔ it, pul yu vel, pul yu gawn, es yu klos lɛ yu lɛg dɛn sho, ɛn waka krɔs di riva dɛn.

Di Jɔj Dɛm 16:21

Di Filistin dɛn kapchɔ am ɛn pul in yay dɛn kɔmɔt. Dɔn dɛn kɛr am go dɔŋ Gaza ɛn tay am wit ayɛn chen. Naim dɛn bin mek de tɔn di grenin ston na di prizin.