Ɛksodɔs 10:9 - Krio Fɔs Oli Baybul

⁹ Mozis ansa di kiŋ se na dɛn ɔl de go. Dɛn se dɛn de go wit dɛn pikin dɛn, yɔŋ bɔy ɛn yɔŋ gyal, olpa ɛn ol mami, ship, got, ɛn ɔl di ɔda animal dɛn we dɛn gɛt bikɔs dɛn go gɛt fɔ mek fɛstival fɔ ɔna PAPA GƆD.

Ɛksodɔs 10:9 Referans Kwoze

Ɛksodɔs 5:1

Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Lɛta Fɔ Ɛfisɔs 6:4

Una we na mama ɛn papa, una nɔ fɔ du una pikin dɛn tin we go mek dɛn vɛks, bɔt una fɔ gi dɛn Kristiɛn trenin.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

Prɔvabs 3:9

Sho PAPA GƆD se yu rɛspɛkt am ɛn gi am ɔl wetin yu gɛt wit di fɔs tin dɛn we yu de avɛst.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Di Nɔmba Dɛm 29:12

“Di fiftin de na di sɛvin mɔnt, dɛn fɔ gɛda ɔlman mek dɛn du dɛn tin we oli, dɛn nɔ fɔ du nɔn pan dɛn ɛvride wok. Dɛn fɔ sɛlibret fɔ sɛvin de to PAPA GƆD.

Ɛksodɔs 13:6

Mozis tɛl dɛn se dɛn fɔ it bred we nɔ gɛt yist fɔ sɛvin de, dɔn di las de dɛn fɔ mek big sɛlibreshɔn fɔ prez PAPA GƆD.

Ɛksodɔs 5:3

Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.

Jɛnɛsis 50:8

In fambul dɛn, ɛn in brɔda dɛn ɔl bin go wit am. Na dɛn smɔl smɔl pikin dɛn nɔmɔ wit dɛn ship, got ɛn dɛn ɔda animal dɛn bin lɛf na Goshɛn.

Ɛksodɔs 10:10

Di kiŋ tɛl dɛn se PAPA GƆD riali gɛt fɔ de wit dɛn fɔ mek in gri fɔ mek dɛn kɛr dɛn lili pikin dɛn go. I se in kin si se dɛn de plan fɔ du bad,

Ɛksodɔs 10:26

I se dɛn jɛs gɛt fɔ tek ɔl dɛn animal dɛn go wit dɛn ɛn dɛn nɔ go lɛf wan biɛn. Mozis tɛl di kiŋ se dɛn gɛt fɔ chuz di wan dɛn we dɛn go tek wɔship wi PAPA GƆD. Ɛn na pas dɛn go nain dɛn go no uswan pan dɛn, dɛn go yuz.

Ɛksodɔs 12:32

“Una kɔmɔt na ya, una ɛn di Izrɛlayt dɛn. Una kɔmɔt na dis kɔntri ɛn go wɔship una PAPA GƆD as una bin se. Una tek una ship ɛn got ɛn kaw dɛn go. Una pre mek PAPA GƆD blɛs mi as una de go!”

Ɛksodɔs 12:37

Di Izrɛlayt dɛn waka bay fut frɔm Ramisis sote dɛn go na Sɔkɔt. Di Izrɛlayt dɛn we waka na bɔt siks ɔndrɛd tawzin man dɛn apat frɔm di uman ɛn pikin dɛn.

Ɛksodɔs 12:38

Bɔku pipul dɛn we nɔto bin Izrɛlayt bin fala dɛn go ɛn dɛn bin kɛr bɔku bɔku ship, got ɛn kaw dɛn.