Ɛksodɔs 10:5 - Krio Fɔs Oli Baybul

⁵ Di lokɔs dɛn go so bɔku dat dɛn go kɔba di grɔn ɛn nɔbɔdi nɔ go ebul si di grɔn. Dɛn go it ɔl di tin dɛn we da ren, we bin fɔdɔm lɛkɛ grabul-grabul nɔ bin pwɛl. Wan plant nɔ go lɛf na di fam.

Ɛksodɔs 10:5 Referans Kwoze

Joɛl 1:4

I se wetin di lokɔs dɛn we de kɔt kɔt tin dɛn lɛf, nain di lokɔs dɛn we de waka togɛda bɔku bɔku wan, dɛnsɛf dɔn it. Wetin di lokɔs dɛm we de waka togɛda bɔku bɔku wan lɛf, nain di lokɔs dɛn we de jomp jomp dɔn it, dɔn wetin di lokɔs dɛn we de jomp jomp lɛf, nain di lokɔs dɛn we de pwɛl pwɛl tiŋs, dɛn dɔn it.

Ɛksodɔs 9:32

Bɔt di wam dɛn we nɔ bin rɛp yet nɔ pwɛl.

Joɛl 2:25

I se in go mek ɔl wetin di lokɔs dɛn bin dɔn it, dat na, di lokɔs dɛn we bin bɔs lɛkɛ big ami, we i bin sɛn pan dɛn, bi wetin dɛn bin bi bak.

Ɛksodɔs 10:4

If yu nɔ gri fɔ mek dɛn go, in go mek bɔku lokɔs bɔs na di kɔntri tumara.

Ɛksodɔs 10:12

Na de PAPA GƆD tɛl Mozis se, “Tret yu an oba Ijipt so di lokɔs dɛn go kam. Dɛn go it di plant na di fam we da big big ren, bin lɛf”

Ɛksodɔs 10:15

Di lokɔs dɛn bin so bɔku ɔlsay na di grɔn, dat i blak. Dɛn pwɛl ɔl di plant dɛn ɛn ɔl di frut dɛn we da ren, we bin fɔdɔm lɛkɛ grabul-grabul bin lɛf. Dɛn nɔ lɛf wan grin lif sɛf pan ɛni tik ɔ plant insay Ijipt.

Joɛl 2:3

Faya de bifo dɛn ɛn biɛn dɛnsɛf, faya de bɔn. Di land bifo dɛn tan lɛk aw da fam na Idɛn tan, bɔt afta dat di ples tan lɛk ɛmti land we pɔsin nɔ go ebul tap, ɛn natin nɔ de pas dɛn de.