Ɛksodɔs 10:26 - Krio Fɔs Oli Baybul

²⁶ I se dɛn jɛs gɛt fɔ tek ɔl dɛn animal dɛn go wit dɛn ɛn dɛn nɔ go lɛf wan biɛn. Mozis tɛl di kiŋ se dɛn gɛt fɔ chuz di wan dɛn we dɛn go tek wɔship wi PAPA GƆD. Ɛn na pas dɛn go nain dɛn go no uswan pan dɛn, dɛn go yuz.

Ɛksodɔs 10:26 Referans Kwoze

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

2 Kɔrint 8:5

Wi nɔ bin de abop sɛf se dɛn go du so; dɛn gi Gɔd dɛn layf fɔs, dɔn dɛn lɛf dɛnsɛf na wi an lɛkɛ aw Gɔd want dɛn fɔ du.

Zɛkaraya 14:20

Da de de, dɛn go rayt OLI FƆ PAPA GƆD pan di bɛl we ɛŋ pan di ɔs dɛn. Di pɔt dɛn we de na PAPA GƆD in os, go bi lɛkɛ bol frɔnt di ɔlta.

Ozie 5:6

Dɛn go tek dɛn animal dɛn se dɛn de go mek sakrifays to PAPA GƆD bɔt dɛn nɔ go fɛn am bikɔs i dɔn lɛf dɛn to dɛnsɛf.

Ayzaya 23:18

I go put wetin i de sɛl ɛn wetin i de du na PAPA GƆD in an; dɛn nɔ go kip dɛn na sto ɛn dɛn nɔ go ayd dɛn, bɔt dɛn go yuz dɛn fɔ sɔplay PAPA GƆD in pipul dɛn bɔku bɔku it ɛn fayn fayn klos dɛn.

Prɔvabs 3:9

Sho PAPA GƆD se yu rɛspɛkt am ɛn gi am ɔl wetin yu gɛt wit di fɔs tin dɛn we yu de avɛst.

Ɛksodɔs 12:32

“Una kɔmɔt na ya, una ɛn di Izrɛlayt dɛn. Una kɔmɔt na dis kɔntri ɛn go wɔship una PAPA GƆD as una bin se. Una tek una ship ɛn got ɛn kaw dɛn go. Una pre mek PAPA GƆD blɛs mi as una de go!”

Ɛksodɔs 10:9

Mozis ansa di kiŋ se na dɛn ɔl de go. Dɛn se dɛn de go wit dɛn pikin dɛn, yɔŋ bɔy ɛn yɔŋ gyal, olpa ɛn ol mami, ship, got, ɛn ɔl di ɔda animal dɛn we dɛn gɛt bikɔs dɛn go gɛt fɔ mek fɛstival fɔ ɔna PAPA GƆD.

Ɛksodɔs 10:25

Mozis ansa di kiŋ se i fɔ lɛf dɛn fɔ kɛr dɛn animal dɛn go bikɔs dɛn gɛt fɔ ɔfa dɛn as sakrifays we dɛn go bɔn na faya to dɛn PAPA GƆD.

Ɛksodɔs 8:27

I tɛl di kiŋ se dɛn gɛt fɔ travul tri de go na di ples we pɔsin nɔ go ebul tap ɛn ɔfa sakrifays to dɛn yon PAPA GƆD, lɛkɛ aw i dɔn kɔmand wi fɔ du.