Ɛksodɔs 10:23 - Krio Fɔs Oli Baybul

²³ Dɛn nɔn nɔ bin ebul fɔ si dɛn kɔmpin ɔ go ɛnisay fɔ tri de. Bɔt layt bin de usay di Izrɛlayt pipul dɛn tap.

Ɛksodɔs 10:23 Referans Kwoze

Ɛksodɔs 8:22

Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Ayzaya 42:16

Ɛn a go pas dɛn blɛn yay na rod we dɛn nɔ no A go gayd dɛm na rod we dɛn nɔ no wande. A go tɔn di daknɛs we de bifo dɛm to layt, ɛn mek di rɔf ples dɛn to lɛbul grɔn. Na dɛn tin ya a go du, ɛn a nɔ go tɔn mi bak pan dɛm.

Ɛksodɔs 9:4

Bɔt a nɔ go trit di Izrɛlayt dɛn animal dɛn so. Wan pan di Izrɛlayt dɛn animal sɛf nɔ go day.

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

Jɔshwa 24:7

We di Izrɛlayt dɛn pre to PAPA GƆD, I mek di ples dak bifo di Ijipshian dɛm, dɔn i mek di si kɔba dɛn ɛn ɔl di Izrɛlayt dɛn bin si ɔl dat. Di Izrɛlayt dɛn bin spɛnd lɔŋ tɛm na di ɛmti ples we pipul nɔ go ebul tap.

Ɛksodɔs 14:20

ɛn mek baria bitwin di Izrɛlayt dɛn ɛn di Ijipshian dɛn. Di klawd bin tan lɛk dak nɛt to di Ijipshian dɛn, bɔt i bin de sho layt to di Izrɛlayt dɛn. So fɔ di wanol nɛt, di Ijipshian dɛn nɔ bin ebul kech di Izrɛlayt dɛn na rod.

Ɛksodɔs 9:26

Bɔt wan ren lɛkɛ dat nɔ fɔdɔm na di aria we di Izrɛlayt dɛn bin de na Goshɛn.

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.

Ɛksodɔs 7:25

Di wata we PAPA GƆD tɔn to blɔd de lɛkɛ dat fɔ sɛvin de.

Ɛksodɔs 8:18

Di majikman dɛn tray fɔ yuz dɛn majik pawa fɔ du di sem tin bɔt dɛn nɔ ebul. Di Nat dɛn bin de pan pipul dɛn ɛn animal dɛn.

Ɛksodɔs 8:19

Di majikman dɛn tɛl di kiŋ se, “na PAPA GƆD in pawa de wok so, bɔt di kiŋ nɔ lisin to dɛn. I stil mek traŋayes lɛkɛ aw PAPA GƆD bin dɔn se i go du.