Ɛksodɔs 10:22 - Krio Fɔs Oli Baybul

²² So Mozis es in an ɔp to di skay ɛn ɔlsay na Ijipt bin dak bad bad wan fɔ tri de.

Ɛksodɔs 10:22 Referans Kwoze

Di Sam Dɛm 105:28

I sɛn daknɛs we mek di wanol ples dak bɔt usay? Di Ijipshian dɛn nɔ yɛri da laŋwej de.

Rɛvɛleshɔn 16:10

Dɛn di enjɛl we mek fayv trowe di tin we de insay in kɔp pan di wayl bif in chia we i kin sidɔm pan fɔ rul. Ɔl di say dɛn we di wayl bif bin de rul, dak wantɛm, pipul bigin sɔfa bad bad pen, we mek dɛn bɛt dɛn tɔŋ,

Emɔs 4:13

Di wan we mek dɛn mawnten ɛn di briz. Di wan we de sho wetin de nain bɛlɛ to mɔtalman; we de tɔn de to nɛt, we de rul di wanol wɔl. Nain nem PAPA GƆD, PAPA GƆD Ɔlmayti!

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Ditarɔnɔmi 5:22

Mozis tɛl dɛn se na dɛn tin dɛn de PAPA GƆD bin tɛl dɛn we dɛn bin de na da Mawnten we i bin tɔk to dɛn lawd lawd wan insay da faya we bin gɛt tik tik smok we bin mek di ples dak. I se na dat nɔmɔ PAPA GƆD bin tɛl dɛn ɛn i bin rayt dɛn na tu ston tablɛt gi in di Mozis.

Ditarɔnɔmi 4:11

Mozis mɛmba di Izrɛlayt dɛn aw dɛn bin go de bɔtɔm di il usay PAPA GƆD bin de na Mawnt Saynay usay faya bin de kech rich ɔp di skay wit tik tik smok we bin mek di ples bin dak.

Ɛksodɔs 20:21

Di pipul dɛn tinap fawe, dɔn Mozis in go usay di tik, tik klawd de fɔ go mit PAPA GƆD.

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.

Job 5:14

We ples brayt, dɛn stil de waka na dak, santɛm, dɛn go jam dɛnsɛf lɛk na nɛt.

Ayzaya 8:22

ɛn dɛn go luk na grɔn, bɔt na pwɛl at ɛn daknɛs dɛn go si, we na bad bad pen; we go put dɛn insay tik tik daknɛs.

Izikɛl 32:7

Wɛn a wep yu kɔmɔt, a go kɔba di ɛvin dɛm, ɛn mek di sta dɛm dak; a go kɔba di san wit wan klawd, ɛn di mun sɛf nɔ go shayn

Izikɛl 32:8

Ɔl ɛvin in brayt layt dɛm a go mek dɛn dak oba yu, ɛn a go put daknɛs na yu kɔntri, Na so PAPA GƆD se.