Ɛksodɔs 10:21 - Krio Fɔs Oli Baybul

²¹ Afta dat PAPA GƆD tɛl Mozis se, “Es yu an ɔp to di skay ɛn di kɔntri go dak bad bad wan we go mek pipul dɛn fred.”

Ɛksodɔs 10:21 Referans Kwoze

Jud In Lɛta 1:6

dɛn enjɛl we bin lɛf fɔ rul na di say we dɛn bin de rul ɛn tɔn dɛn bak pan Gɔd, Gɔd dɔn chen dɛn na dak ples ɔnda dɛn grev te di big de we i go jɔj di wɔl.

Pita In Sɛkɛn Lɛta 2:17

Dɛn kayn pipul ya jɛs tan lɛkɛ wɛl we nɔ gɛt wata ɛn lɛkɛ dak klawd we de sho se ren want kam wɛn di ples dray, bɔt big briz blo am go. Gɔd dɔn kip dak dak dak ples fɔ put dɛn.

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Lyuk 23:44

Na bin lɛkɛ twɛlv oklɔk santɛm so, di san tap fɔ shayn, ɔl di kɔntri dak sote tri oklɔk.

Mak 15:33

Frɔm twɛlv oklɔk te tri oklɔk santɛm, di wan ol kɔntri dak.

Matyu 27:45

Ɔl di wɔl dak fɔ tri awa frɔm twɛlv oklɔk santɛm sote tri oklɔk.

Prɔvabs 4:19

Di rod we bad pɔsin de waka tan lɛkɛ daknɛt; dɛn de fɔdɔm ɛn nɔ no wetin dɛn fɔdɔm pan.

Di Sam Dɛm 105:28

I sɛn daknɛs we mek di wanol ples dak bɔt usay? Di Ijipshian dɛn nɔ yɛri da laŋwej de.

Ditarɔnɔmi 28:29

Sansan tɛm, dɛn nɔ go ebul waka fɔ dɛnsɛf, pas dɛn go de tek tik de fɛn di rod, ɛn na so dɛn go de molɛs dɛn ɛn tif dɛn, ɛn nɔbɔdi nɔ go de fɔ ɛp dɛn. Natin nɔ go bɛtɛ na dɛn an.

Ɛksodɔs 9:22

PAPA GƆD tɛl Mozis se fɔ es in an ɔp to di skay ɛn lɛ ren we fiba grabul-grabul fɔdɔm ɔlsay na Ijipt. Lɛ i fɔdɔm pan mɔtalman, pan animal ɛn ɔl di plant dɛn na di fam dɛn.

Jud In Lɛta 1:13

Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.

Ɛkliziastis 6:4

Bikɔs di pikin we bɔn day wan kam na dis fɔ natin wɔl, day wan, so nɔbɔdi nɔ go ebul fɔ tɔk bɔt am as i nɔ ivin gɛt nem;

Ɛkliziastis 2:14

Pɔsin we gɛt sɛns no wetin i de du, bɔt fulman nɔ no. Bɔt a si se na di sem we dɛn ɔl de ɛnd.

Di Sam Dɛm 78:49

I bin so vɛks pan dɛn, dat i sɛn in enjɛl dɛn we dɛn yon wok na fɔ distrɔy fɔ sho aw i vɛks.

Di Sam Dɛm 35:6

lɛ i nɔ kɔmɔt biɛn dɛn ɛn lɛ dɛn nɔ si dɛn we klia.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Ɛksodɔs 7:19

PAPA GƆD tɛl Mozis se, “Tɛl Erɔn fɔ pɔynt in wɔkinstik pan ɔl di wata dɛn na Ijipt - di riva dɛn, di watasay, dɛn brij, dɛn wɛl ɛn ɔl usay wata de, dɛn ɔl go tɔn blɔd. Ɔl dɛn wata we dɛn dɔn kip na drɔm ɔ bokit, ɔl go tɔn to blɔd.”

Izikɛl 32:7

Wɛn a wep yu kɔmɔt, a go kɔba di ɛvin dɛm, ɛn mek di sta dɛm dak; a go kɔba di san wit wan klawd, ɛn di mun sɛf nɔ go shayn

Ditarɔnɔmi 1:30

I se, PAPA GƆD we na dɛn GƆD we de wit dɛn, go ɛp dɛn fɛt jɛs lɛkɛ aw i fɛt fɔ dɛn we dɛnsɛf bin si wit dɛn yon yay na Ijipt,

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Job 5:14

We ples brayt, dɛn stil de waka na dak, santɛm, dɛn go jam dɛnsɛf lɛk na nɛt.