Ɛksodɔs 10:18 - Krio Fɔs Oli Baybul

¹⁸ So Mozis lɛf di kiŋ ɛn i pre to PAPA GƆD.

Ɛksodɔs 10:18 Referans Kwoze

Lyuk 6:28

Una fɔ blɛs dɛn wan we de kɔs una ɛn pre fɔ dɛn wan we de trit una bad.

Matyu 5:44

Bɔt mi de tɛl una se: una fɔ lɛk dɛn pipul we nɔ lɛk una, ɛn una fɔ pre fɔ dɛn pipul we de mek una sɔfa,

Ɛksodɔs 8:9

Mozis ansa di kiŋ se, in go pre fɔ am bɔt nain fɔ tɔk ustɛm i want am fɔ pre fɔ am, in ɔfisa dɛn ɛn in pipul dɛn so dat ɔl dɛn akpɔlɔ dɛn go kɔmɔt na una os dɛn. I tɛl am se na dɛn wan dɛn we de na di riva go lɛf.

Ɛksodɔs 8:12

Afta dat Mozis ɛn Erɔn kɔmɔt to di kiŋ, ɛn Mozis go pre to PAPA GƆD fɔ mek i pul dɛn akpɔlɔ dɛn we i tek pɔnish di kiŋ.

Ɛksodɔs 10:19

PAPA GƆD ansa Mozis in prea. I chenj di we aw di briz bin de blo. I mek di briz bigin blo traŋa traŋa wan frɔm di wɛst ɛn blo di lokɔs dɛn kɔmɔt na di kɔntri ɛn kɛr dɛn go na di Rɛd si. Wan lokɔs sɛf nɔ lɛf na Ijipt.

Ɛksodɔs 8:8

Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”

Di Nɔmba Dɛm 11:2

Di pipul ala fɔ lɛ Mozis ɛp dɛn, so Mozis pre to PAPA GƆD ɛn in mek di faya ɔt.