Ɛksodɔs 10:16 - Krio Fɔs Oli Baybul

¹⁶ Di kiŋ sɛn kwik kwik wan go kɔl Mozis ɛn Erɔn ɛn se, in dɔn sin to dɛn PAPA GƆD ɛn to dɛnsɛf.

Ɛksodɔs 10:16 Referans Kwoze

Ɛksodɔs 9:27

Di kiŋ sɛn kɔl Mozis ɛn Erɔn ɛn mek se i se in gri se a dɔn du bad ɛn di Ibru dɛn PAPA GƆD gɛt rayt, bɔt mi ɛn mi pipul rɔŋ.

Matyu 27:4

I se, “A dɔn sin, bikɔs a dɔn sɛl pɔsin we nɔ du bad ɛn dat go mek dɛn kil am.” Dɛn se, “Wi nɔ bisin de, dat na yu biznɛs.”

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

2 Samiɛl 19:20

I se in no se in du bad na dat mek nain fɔs na Josɛf in fambul go dɔŋ go mit di kiŋ.

1 Samiɛl 26:21

Da tɛm de, Sɔl mek lɛk pɛnitɛnt sina. I kɔl Devid in bɔypikin ɛn tɛl am fɔ kam bak. I se da de de, Devid dɔn sho am se in layf gɛt valyu so in nɔ go tray fɔ du Devid bad igen I se in biev lɛk fulman ɛn dɔn du bad bad tin.

1 Samiɛl 15:30

Sɔl ansa se i no se i dɔn sin bɔt beg Samiɛl lɛ i go bak wit am fɔ wɔship PAPA GƆD ɔ nɔ so i go shem pan di bigman dɛn we de na Izrɛl.

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.

Di Nɔmba Dɛm 22:34

Belam tɛl PAPA GƆD in enjɛl se i dɔn du bad. I se i nɔ bin no se na PAPA GƆD in enjɛl bin de tinap bifo am fɔ blɔk in we bɔt if i nɔ gladi wit wetin in di Belam de du, i kin tɔn bak.

Di Nɔmba Dɛm 21:7

Di pipul dɛn go mit Mozis ɛn beg am mek i pre mek PAPA GƆD drɛb di snek dɛn. Dɛn se, “Wi dɔn du bad we wi grɔmbul pan PAPA GƆD ɛn pan yu. Duya pre mek PAPA GƆD pul dɛn snek ya kɔmɔt pan wi. So Mozis insɛf pre fɔ di pipul dɛn.

Ɛksodɔs 8:8

Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”

Ɛksodɔs 8:25

Dis mek di kiŋ sɛn kɔl Mozis ɛn Erɔn ɛn tɛl dɛn se, mek dɛn go ɔfa dɛn sakrifays to dɛn PAPA GƆD, bɔt dɛn fɔ do am na Ijipt.

2 Samiɛl 24:10

Devid fil bad we i mek dɛn kɔnt ɔmɔs man ebul fɛt so i beg PAPA GƆD fɔ fɔgiv am fɔ di fulish we we i biev. I se, “PAPA GƆD, a dɔn sin bad we a mek dɛn kɔnt di sojaman dɛn. Duya, a de beg, fɔgiv mi ɛn nɔ mek a de fil bad fɔ wetin a du so.”

2 Samiɛl 24:17

Wɛn Devid si di enjɛl we bin de kil di pipul, i tɛl PAPA GƆD se lɛ in ɛn in famili sɔfa bikɔs nain sin. I se, “Dɛn pipul ya nɔ du natin we fɔ mek dɛn de sɔfa so.”