Ɛksodɔs 10:15 - Krio Fɔs Oli Baybul

¹⁵ Di lokɔs dɛn bin so bɔku ɔlsay na di grɔn, dat i blak. Dɛn pwɛl ɔl di plant dɛn ɛn ɔl di frut dɛn we da ren, we bin fɔdɔm lɛkɛ grabul-grabul bin lɛf. Dɛn nɔ lɛf wan grin lif sɛf pan ɛni tik ɔ plant insay Ijipt.

Ɛksodɔs 10:15 Referans Kwoze

Ɛksodɔs 10:5

Di lokɔs dɛn go so bɔku dat dɛn go kɔba di grɔn ɛn nɔbɔdi nɔ go ebul si di grɔn. Dɛn go it ɔl di tin dɛn we da ren, we bin fɔdɔm lɛkɛ grabul-grabul nɔ bin pwɛl. Wan plant nɔ go lɛf na di fam.

Joɛl 2:25

I se in go mek ɔl wetin di lokɔs dɛn bin dɔn it, dat na, di lokɔs dɛn we bin bɔs lɛkɛ big ami, we i bin sɛn pan dɛn, bi wetin dɛn bin bi bak.

Di Sam Dɛm 78:46

I gi dɛn plant dɛn to lokɔs ɛn dɛn pwɛl pwɛl ɔl dɛn it dɛn we bin dɔn du fɔ avɛst.

Ɛksodɔs 10:12

Na de PAPA GƆD tɛl Mozis se, “Tret yu an oba Ijipt so di lokɔs dɛn go kam. Dɛn go it di plant na di fam we da big big ren, bin lɛf”

Emɔs 7:2

A si di lokɔs dɛn de it ɔl di grin plant dɛn na di land. Na de a beg se, “PAPA GƆD we na GƆD, duya fɔgiv yu pipul. Aw dɛn go liv? Dɛn so smɔl ɛn wik.”

Di Nɔmba Dɛm 22:5

sɛn sɔm mɛsenja fɔ go kɔl Belam fɔ am. Belam we na Beɔ in bɔypikin we bin tap na Pɛtɔ nia Riva Yufretis usay i kɔmɔt. Belak tɛl am se sɔm pipul dɔn kɔmɔt Ijipt we dɔn ful di land ɛn dɛn de nia am.

Prɔvabs 30:27

Lokɔs, dɛnsɛf nɔ gɛt bɔsman, bɔt wɛn dɛn de waka na bay rank lɛkɛ sojaman dɛn.

Joɛl 1:4

I se wetin di lokɔs dɛn we de kɔt kɔt tin dɛn lɛf, nain di lokɔs dɛn we de waka togɛda bɔku bɔku wan, dɛnsɛf dɔn it. Wetin di lokɔs dɛm we de waka togɛda bɔku bɔku wan lɛf, nain di lokɔs dɛn we de jomp jomp dɔn it, dɔn wetin di lokɔs dɛn we de jomp jomp lɛf, nain di lokɔs dɛn we de pwɛl pwɛl tiŋs, dɛn dɔn it.