Ɛksodɔs 10:1 - Krio Fɔs Oli Baybul

¹ So PAPA GƆD tɛl Mozis. I se, “Go mit di kiŋ. A dɔn mek in ɛn in ɔfisa dɛn at traŋa so dat a go pafɔm ɔl dɛn mirekul dɛn ya so usay dɛn de.

Ɛksodɔs 10:1 Referans Kwoze

Ɛksodɔs 4:21

PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go.

Lɛta Fɔ Rom 9:17

Di tin we rayt na Gɔd in Buk we Gɔd tɛl di kiŋ na Ijipt, nain dis: “A mek yu bi kiŋ, so dat a go yus yu fɔ mek ɔlman si mi pawa, ɛn mek ɔlman na wɔl no bɔt mi.”

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Di Sam Dɛm 7:11

PAPA GƆD we de du tin tret wan. Na PAPA GƆD we nɔ de tɔlaret bad atɔl.

1 Samiɛl 4:8

Dɛn se, “Wi dɔn alaki. Udat go pul wi kɔmɔt na dɛn gɔd ya dɛn an? Na di sem gɔd dɛn bin ib ɔlkayn waala pan di Ijipshian dɛn na di ɛmti land we pɔsin nɔ go ebul tap.”

Ɛksodɔs 9:27

Di kiŋ sɛn kɔl Mozis ɛn Erɔn ɛn mek se i se in gri se a dɔn du bad ɛn di Ibru dɛn PAPA GƆD gɛt rayt, bɔt mi ɛn mi pipul rɔŋ.

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Ɛksodɔs 7:4

A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.

Jɔn 12:40

“Gɔd se, a dɔn blɛn di pipul dɛn yay ɛn a dɔn sɛt dɛn ed, so dat dɛn nɔ go si, ɛn dɛn nɔ go ɔndastand, ɛn dɛn nɔ go kam to mi fɔ mek a sev dɛn.”

Lɛta Fɔ Rom 9:18

So, if Gɔd want sɔri fɔ ɛnibɔdi, i go sɔri fɔ am; ɛn if i want mek pɔsin in at traŋa, i go mek in at traŋa.

Ɛksodɔs 9:12

Bɔt PAPA GƆD mek di kiŋ stil mek traŋayes ɛn nɔ gri fɔ lisin to Mozis ɛn Erɔn jɛs lɛkɛ aw PAPA GƆD bin dɔn tɛl Mozis.

Jɔshwa 11:20

Na PAPA GƆD bin mek dɛn pipul dɛn de mek bigat so dat di Izrɛlayt dɛn nɔ go sɔri fɔ dɛn ɛn go kil dɛn bikɔs nain bin dɔn tɛl Mozis traŋa wan se fɔ kil ɔl di pipul dɛn na da land de.

Ɛksodɔs 10:20

Bɔt PAPA GƆD mek di kiŋ traŋa in at ɛn nɔ gri fɔ mek di pipul dɛn go.