Ɛksodɔs 1:9 - Krio Fɔs Oli Baybul

⁹ I tɛl in pipul dɛn se di Izrɛlayt dɛn dɔn bɔku pasmak ɛn i tan lɛk dɛn wan pas dɛn di Ijipshian dɛn.

Ɛksodɔs 1:9 Referans Kwoze

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Prɔvabs 27:4

Pɔsin we gɛt wamat ɛn lɛk plaba kin pwɛl in kɔmpin, bɔt jɛlɔs pɔsin wɔs pas am.

Prɔvabs 14:28

Fɔ lɛ kiŋ gɛt ɔna, i fɔ gɛt bɔku pipul nain kindɔm, if i nɔ gɛt nɔbɔdi fɔ rul, dɛn i nɔ gɛt pawa.

Jems 4:5

Una min se na fɔ natin Gɔd in Buk se, “Gɔd in Spirit we i put insay wi, want wi fɔ insɛf nɔmɔ?”

Job 5:2

Vɛksteshɔn de kil fulman, ɛn jɛlɔsi de kil pɔsin we nɔ gɛt bɛtɛ sɛns.

Jɛnɛsis 26:16

Abimɛlɛk drɛb Ayzak kɔmɔt na di kɔntri. I se, “Yu dɔn kam jɛntri ɛn gɛt pawa pas wi.”

Jɛnɛsis 46:3

Nain PAPA GƆD se, “Mi na PAPA GƆD, yu papa in PAPA GƆD. Nɔ fred fɔ go dɔŋ na Ijipt. A go mek yu jɛnareshɔn bi big big neshɔn de.

Ɛksodɔs 5:5

Di kiŋ tɔk bak se, “Una nɔ no se di Izrɛlayt dɛn bɔku pas di Ijipshian dɛn, ɛn naw una want mek dɛn tap fɔ wok.”