Ɛksodɔs 1:7 - Krio Fɔs Oli Baybul

⁷ Bɔt dɛn yon jɛnareshɔn dɛn we na di Izrɛlayt dɛn, bin dɔn bɔn bɔku bɔku pikin dɛn. Dɛn bin so bɔku ɛn dɛn de ɔlɔbɔt na di kɔntri.

Ɛksodɔs 1:7 Referans Kwoze

Jɛnɛsis 46:3

Nain PAPA GƆD se, “Mi na PAPA GƆD, yu papa in PAPA GƆD. Nɔ fred fɔ go dɔŋ na Ijipt. A go mek yu jɛnareshɔn bi big big neshɔn de.

Ditarɔnɔmi 26:5

Dɔn dɛn go tinap bifo di ɔlta ɛn tɔk bifo PAPA GƆD we na dɛn PAPA GƆD se, dɛn fɔstɛmpapa na bin Aramian man we bin jɔs de waka waka ɔlsay na di wɔl. So i waka waka te in ɛn tu tri in fambul dɛn, go Ijipt go tap de, bɔt dɛn nɔ bin bɔku. Bɔt dɛn bin kam bɔku aftawɔd lɛkɛ anch, ɛn ɔlman bin yɛri bɔt dɛn ɛn bin bigin fred dɛn.

Jɛnɛsis 1:28

PAPA GƆD blɛs dɛm, ɛn tɛl dɛn se, “Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl. Una go gɛt pawa fɔ kɔntrol ɔl di fish dɛm, ɔl di bɔd dɛm ɛn ɔl dɛn animal dɛm.

Jɛnɛsis 47:27

So di Izrɛlayt dɛn kam tap na Goshɛn insay Ijipt. We dɛn de de dɛn gɛt bɔku bɔku prɔpati ɛn pikin dɛn.

Jɛnɛsis 35:11

PAPA GƆD tɛl am se, “Mi na PAPA GƆD Ɔlmayti. Bɔn bɔku bɔku pikin we go de ɔlsay na di wɔl. Yu go bi papa fɔ bɔku dɛn neshɔn dɛn, kiŋ dɛn go de insay yu jɛnareshɔn.

Jɛnɛsis 12:2

A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Jɛnɛsis 9:1

PAPA GƆD blɛs Noa ɛn in bɔypikin dɛn. I se, “Una bɔn bɔku bɔku pikin dɛn so dat una go de ɔlsay na di wɔl.

Nɛimaya 9:23

Yu mek dɛn bɔypikin dɛn fɔ bɔku lɛkɛ sta dɛn ɔp klawd ɛn briŋ dɛn kam na di land we yu bin dɔn tɛl dɛn fɔstɛm-papa dɛn se, yu go gi dɛn fɔ bi dɛn yon.

Ditarɔnɔmi 10:22

We dɛn fɔstɛm-papa dɛn bin muf go Ijipt we Josɛf bin sɛn kɔl dɛn, na dɛn sɛvinti nɔmɔ bin go. Bɔt PAPA GƆD bin dɔn mek dɛn plɛnti te dɛn pas di sta dɛn na skay.

Jɛnɛsis 48:4

I se i tɛl mi se i go mek in jɛnareshɔn bɔku ɛn Kenan go bi dɛn yon sote go.

Jɛnɛsis 17:16

A go blɛs am, ɛn a go mek i bɔn bɔypikin fɔ yu. A go blɛs am, ɛn i go bi di mami fɔ bɔku neshɔn dɛn, ɛn kiŋ dɛn go kɔmɔt nain bɛlɛ.”

Di Sam Dɛm 105:24

PAPA GƆD mek in pipul bɔn bɔku; dɛn pikin dɛn kam pawaful pas di Ijipshian dɛn.

Jɛnɛsis 28:14

Yu jɛnareshɔn dɛn go bɔku lɛkɛ dɔti na grɔn ɛn dɛn go de na di ist, wɛst, nɔth ɛn sawt. Na yu ɛn yu jɛnareshɔn go mek ɔl dɛn ɔda neshɔn gɛt dɛn blɛsin.

Jɛnɛsis 22:17

I prɔmis se i go mek yu jɛnareshɔn bɔku lɛkɛ di sta dɛn na di skay ɛn lɛkɛ sansan na bich. Dɛn go gɛt pawa oba dɛn ɛnimi ɛn dɛn go tek dɛn siti sɛf na dɛn an.

Jɛnɛsis 13:16

A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn.

Jɛnɛsis 1:20

Dɛn PAPA GƆD se, “Mek ɔlkayn tin we gɛt layf de bɔku bɔku wan insay di wata, ɛn mek bɔd dɛn flay ɔpskay.”

Ɛksodɔs 12:37

Di Izrɛlayt dɛn waka bay fut frɔm Ramisis sote dɛn go na Sɔkɔt. Di Izrɛlayt dɛn we waka na bɔt siks ɔndrɛd tawzin man dɛn apat frɔm di uman ɛn pikin dɛn.

Jɛnɛsis 48:16

mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”

Jɛnɛsis 26:4

A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin.

Jɛnɛsis 15:5

So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”

Apɔsul Dɛn Wok 13:17

Wɛn wi Izrɛl pipul dɛn bin de na Ijipt, di Gɔd we wi pipul dɛn de pre to pik wi grampapa papa dɛn ɛn blɛs di Izrɛl neshɔn. Na bay Gɔd in pawa mek di Izrɛl pipul dɛn kɔmɔt pan slev layf.

Jɛnɛsis 26:22

So dɛn muf kɔmɔt de go ɔda say ɛn go dig ɔda wɛl. Plaba nɔ bin de fɔ dis wan, so Ayzak kɔl am Rɛobɔt we min “Speshɔs ples” ɛn se, PAPA GƆD dɔn gi dɛn big ples ɛn bɛtɛ go fala dɛn usay dɛn de.

Ɛksodɔs 1:12

Bɔt di mɔ di Ijipshian dɛn mɔna di Izrɛlayt dɛn na di mɔ dɛn de bɔn bɔku pikin ɛn de bɔku na di kɔntri. Dat mek di Ijipshian dɛn bigin fred dɛn.

Ɛksodɔs 5:5

Di kiŋ tɔk bak se, “Una nɔ no se di Izrɛlayt dɛn bɔku pas di Ijipshian dɛn, ɛn naw una want mek dɛn tap fɔ wok.”

Di Sam Dɛm 107:38

i blɛs dɛn ɛn dɛn bɔn bɔku pikin, ɛn PAPA GƆD nɔ mek dɛn animal dɛn day.

Izikɛl 16:7

‘una go gro ɔp, lɛk plant na di fam. Ɛn una bin gro big ɛn tɔl tɔn yɔŋ uman we dɔn ful yay; una bɔbi bin dɔn kɔmɔt ɛn una ia dɔn gro; bɔt una bin stil de nekɛd ɛn ɛmti bɔdi.