Ɛksodɔs 1:20 - Krio Fɔs Oli Baybul

²⁰ Fɔ we dɛn uman dɛn ya nɔ bin gri fɔ kil di Ibru uman dɛn bɔypikin dɛn, PAPA GƆD blɛs dɛn, ɛn dat mek Izrɛlayt dɛn bin kɔntinyu fɔ bɔn bɔku bɔku pikin dɛn we mek dɛn bɔku na di kɔntri.

Ɛksodɔs 1:20 Referans Kwoze

Ɛkliziastis 8:12

Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Ayzaya 3:10

Tɛl dɛn wan we de waka tret se ɔltin go fayn fɔ dɛn, bikɔs dɛn go it wetin dɛn plant

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Di Sam Dɛm 111:5

I de gi it to udat gɛt rɛspɛkt fɔ am. I de mɛmba ɔltɛm wetin i bin dɔn se nain Kɔvinant.

Lyuk 1:50

frɔm tɛm, i de sɔri fɔ ɔl dɛn wan we rɛspɛkt am.

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Matyu 10:42

Ɛnibɔdi we gi ɛni wan pan mi lanin bɔy dɛn kol wata bikɔs i no se na mi lanin bɔy, go gɛt in pe.”

Prɔvabs 19:17

If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

Di Sam Dɛm 145:19

I nɔ de gi dɛn wan we gɛt fred ɛn rɛspɛkt fɔ am, wetin dɛn fɔ gɛt; i de ansa dɛn prea ɛn sev dɛn.

Di Sam Dɛm 103:11

Lɛkɛ aw di spes bitwin ɛvin ɛn ath big, na so di lɔv we PAPA GƆD gɛt fɔ udat de fred ɛn rɛspɛkt am tan;

Di Sam Dɛm 85:9

I go sev ɔl udat de du wetin in want, dɔn i go sho insɛf fɔ udat i bi na Izrɛl.

Di Sam Dɛm 61:5

PAPA GƆD yu dɔn yɛri wetin a bin prɔmis yu, yu dɔn gi wetin yu bin prɔmis to ɔl udat de fred ɛn rɛspɛkt yu.

Ɛksodɔs 1:12

Bɔt di mɔ di Ijipshian dɛn mɔna di Izrɛlayt dɛn na di mɔ dɛn de bɔn bɔku pikin ɛn de bɔku na di kɔntri. Dat mek di Ijipshian dɛn bigin fred dɛn.

Ɛksodɔs 1:7

Bɔt dɛn yon jɛnareshɔn dɛn we na di Izrɛlayt dɛn, bin dɔn bɔn bɔku bɔku pikin dɛn. Dɛn bin so bɔku ɛn dɛn de ɔlɔbɔt na di kɔntri.

Ɛksodɔs 1:19

Di uman dɛn tɛl di kiŋ se di Ibru uman dɛn nɔ wik lɛkɛ Ijipshian uman dɛn. Dɛn se, dɛn trɔŋ ɛn dɛn kin ebul bɔn fɔ dɛnsɛf bifo dɛn de rich de.