Ɛksodɔs 1:14 - Krio Fɔs Oli Baybul

¹⁴ Di Ijipshian dɛn fos dɛn fɔ de miks mɔta blɔk ɛn fɔ du ɔlkayn traŋa wok na di fam. Dɛn mek dɛn layf traŋa. Dɛn nɔ bin gɛt wan sɔri-at fɔ dɛn.

Ɛksodɔs 1:14 Referans Kwoze

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Di Nɔmba Dɛm 20:15

Aw dɛn lɔntɛm pipul bin go na Ijipt ɛn dɛn ɔl bin tap de fɔ lɔŋ. Aw di Ijipshian dɛn bin trit dɛn ɛn dɛn fɔstɛm-papa dɛn bad,

Ɛksodɔs 6:9

We Mozis tɛl di Izrɛlayt dɛn wetin PAPA GƆD se, dɛn nɔ lisin to am sɛf. Dɛn at bin pwɛl bikɔs ɔf aw dɛn bin de sɔfa lɛkɛ slev.

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Apɔsul Dɛn Wok 7:34

A dɔn si di waala we mi pipul dɛn de pan na Ijipt. A dɔn yɛri we dɛn de pini bikɔs dɛn de sɔfa ɛn a dɔn kam dɔŋ naw fɔ kam pul dɛn pan dɛn waala. So kam, mek a sɛn yu go Ijipt.’

Ayzaya 58:6

“Nɔto di fast dis we a pik: fɔ lus di rop dɛn we dɛn tek tay pipul wit wikɛdnɛs, fɔ lus di prɔblɛm dɛn we dɛn tay na pipul dɛn nɛk, lɛ dɛn lɛf fɔ aras pipul, ɛn fɔ tap fɔ trit pipul bad?

Di Sam Dɛm 81:6

I se “A dɔn pul di lod kɔmɔt na una sholda; ɛn fri una an frɔm wok.

Neum 3:14

Neum se dɛn fɔ mek shɔ se dɛn kip wata we dɛn sojaman dɛn go drink di tɛm we dɛn de fɛt ɛn dɛn fɔ tray fɔ mek usay wik. Dɛn fɔ mas mas di kle we dɛn wan yuz fɔ mek blɔk lɛ i saf.

Mayka 3:3

ɛn lɛk wayl bif, na so dɛn de nyamanyama di pipul dɛn.

Ayzaya 52:5

PAPA GƆD se, wetin a de du na ya, we yu luk se dɛn dɔn kɛr mi pipul dɛn go fɔ natin? Dɛn rula dɛn kray bita wan, ɛn ol de, dɛn de fityay mi nem. Na so PAPA GƆD se.

Ayzaya 51:23

ɛn A go put am na di wan dɛn we de tɔmɛnt una, dɛn an, di wan dɛn we dɔn tɛl una se, “Una lidɔm, lɛ wi mas una pas’; ɛn una dɔn mek una bak lɛk grɔn ɛn lɛk trit fɔ dɛn fɔ waka.”

Ayzaya 14:6

dɛn we bin de bit di pipul dɛn wit bad bad wamat ɛn nɔ bin de tap fɔ blo dɛn, we bin de rul di neshɔn dɛn wit wamat ɛn nɔ bin de taya fɔ trit dɛn bad.

Di Sam Dɛm 68:13

pan ɔl we sɔm nɔ de bɔda fɔ go na di wɔfrɔnt dɛnsɛf gɛt dɛn yon pan di jɛntri.

Ruth 1:20

Naomi tɛl dɛn se dɛn nɔ fɔ kɔl am Naomi igen, we min se i gladi, dɛn fɔ kɔl am Mara bikɔs in layf bita. PAPA GƆD Ɔlmayti nɔ mek i gladi igen

Ditarɔnɔmi 26:6

Bɔt di Ijipshian dɛn nɔ bin trit dɛn gud atɔl; dɛn bin tɔn dɛn slev, bit dɛn ɛn mek dɛn wok fɔ dɛn lɛk dɔg.

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Lɛvitikɔs 25:53

Di trenja ɔ fɔrina fɔ trit di Izrɛlayt slev lɛk udat i de pe; i nɔ fɔ mek bɔs pan am.

Lɛvitikɔs 25:46

Dɛn kin gi dɛn pikin dɛn we bɔn leta di slev dɛn we dɛn bay fɔ bi dɛnsɛf yon prɔpati sote go; dɛn wan dɛn de kin bi di Izrɛlayt dɛn slev bɔt dɛn nɔ fɔ mek bɔs pan dɛn kɔmpin Izrɛlayt.

Lɛvitikɔs 25:43

Noto fɔ mek bɔs pan am bɔt fɔ biev lɛk udat de fred PAPA GƆD.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ɛksodɔs 1:13

So dɛn bigin trit dɛn bad ɛn fos dɛn fɔ du traŋa traŋa wok.

Jɛnɛsis 15:13

Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia.

Ɛksodɔs 1:11

So di Ijipshian dɛn put masta dɛn oba di Izrɛlayt dɛn fɔ trit dɛn bad ɛn fos dɛn fɔ wok lɛk slev. Dɛn mek di Izrɛlayt dɛn bil Pitɔm ɛn Ramisis we na tu siti fɔ kip it ɛn ɔda tin dɛn fɔ di kiŋ.

Ɛksodɔs 1:15

Di kiŋ gi ɔda to tu Ibru uman we nem Shifra ɛn Pua, we dɛn wok na fɔ ɛp dɛn kɔmpin bɛlɛ uman dɛn we dɛn wan bɔn

1 Kiŋ 12:14

Bifo dat, di advays we in kamaranks dɛn gi am se, in papa bin gi pipul dɛn ebi lod fɔ tot, bɔt in go gi dɛn di wan we pas dat; in papa bin de flag dɛn wit ratlan in go tek tik wok dɛn, na da advays de i fala.

Prɔvabs 28:15

Lɛkɛ aw layɔn ɛn bush kaw kin de siz advantej pan dɛn ɔda animal, na so bad rula tan to dɛn po wan we i de rul.

Di Sam Dɛm 129:1

Lɛ Izrɛl tɔk se, “I dɔn te we dɛn de biɛn mi, frɔm we a smɔl”.

Ayzaya 10:24

So na dis PAPA GƆD we na PAPA GƆD Ɔlmayti se: “E mi pipul dɛm we tap na Zayɔn, una nɔ fred di Asirian dɛn wɛn dɛn bit una wit dɛn ratlan ɛn wɛn dɛn pɔnish una lɛk aw di Ijipshian dɛn bin du.