Ɛksodɔs 1:10 - Krio Fɔs Oli Baybul

¹⁰ So, dɛn fɔ tek tɛm aw dɛn de dil wit dɛn Izrɛlayt dɛn, ɔ nɔ so dɛn go kɔntinyu fɔ de boku, ɛn if wa fɔdɔm na di kɔntri dɛn go want jɔyn dɛn ɛnimi dɛn ɛn fɛt dɛn ɛn dɛn go rɔnawe kɔmɔt na di kɔntri lɛf dɛn.

Ɛksodɔs 1:10 Referans Kwoze

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Prɔvabs 1:11

If dɛn se lɛ una le ambush fɔ kil, lɛ una jɛs kil inosɛnt pɔsin fɔ kil sek;

Di Sam Dɛm 105:25

Dat mek di Ijipshian dɛn et dɛn, ɛn bigin plan fɔ du dɛn bad.

Di Sam Dɛm 10:2

Di bad man we tink se in pas ɔlman de buli udat wik; lɛ di trap we i sɛt, kech am.

Apɔsul Dɛn Wok 23:12

So wɛn do klin, sɔm Ju pipul dɛn mit ɛn mek bagin. Dɛn swɛ se dɛn nɔ go it ɛn dɛn nɔ go drink natin sote dɛn kil Pɔl.

Prɔvabs 21:30

Nɔn mɔtalman sɛns ɔ kɔni nɔ de mek PAPA GƆD nɔ du wetin i wan du.

Prɔvabs 16:25

Di rod we pɔsin kin de fil se rayt, na de i kin ɛnd ɔp fɔ lɔs in layf.

Job 5:13

I de mek di wan dɛn we dig ol fɔ ɔda pɔsin, fɔdɔm insay di ol; ɛn wetin dɛn plan nɔ ol wata.

Di Nɔmba Dɛm 22:6

I se Belam fɔ kam ib swɛ pan dɛn fɔ am bikɔs in nɔ ebul dɛn. I se dɛn gɛt pawa pas am bɔt sɔntɛm we Belam ib di swɛ pan dɛn, i go ebul fɛt dɛn ɛn bit dɛn dɔn i go drɛb dɛn kɔmɔt nain kɔntri. I sɛn to Belam se in no se ɛnibɔdi we i ib swɛ pan go gɛt swɛ ɛn ɛnibɔdi we i blɛs go gɛt blɛsin.

1 Samiɛl 29:4

Bɔt di Filistin bigman dɛn vɛks pan am ɛn se i fɔ sɛn Devid go bak na di say we i gi am. Dɛn se Devid nɔ fɔ go wit dɛn fɔ fɛt bikɔs i go tɔn pan dɛn as di fɛt de go ɔn. Dɛn se, i go kɔt dɛn man dɛn ed dɛn fɔ pliz in fɔstɛm bɔs.