Ɛsta 9:4 - Krio Fɔs Oli Baybul

⁴ Mɔdikay bin dɔn tɔn bigman na di kiŋ in os ɛn ɔlman bin dɔn no bɔt am ɔlɔbɔt na di prɔvins dɛn; bikɔs i bin jɛs de tɔf mɔ ɛn mɔ.

Ɛsta 9:4 Referans Kwoze

1 Kronikuls 11:9

Devid kam bi pawaful mɔ ɛn mɔ bikɔs PAPA GƆD Ɔlmayti bin de wit am.

2 Samiɛl 3:1

Di plaba bitwin Sɔl in fambul dɛn ɛn Devid in fambul tek lɔŋ. Devid in bin de tɔf mɔ ɛn mɔ bɔt Sɔl in yon fambul dɛn bin jɛs de go dɔŋ.

Zɛfinaya 3:19

Wande wande, i go dil wit ɔl dɛn wan we de ambɔg una. I go ɛp dɛn wan we nɔ ebul waka ɛn briŋ ɔl udat bin go ɛgzayl kam bak. Dɔn i go mek dɛn ɛnimi dɛn kɔle ɛn mek ɔlman no dɛn ɛn prez dɛn na wɔl.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Di Sam Dɛm 18:43

Yu sev mi frɔm dɛn wan we nɔ de yɛri mi wɔd ɔda pipul de lisin to mi fɔrina dɛn ɔl de obe mi.

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

1 Kronikuls 14:17

Yus bɔt Devid go na ɔl di difrɛn kɔntri dɛn ɛn PAPA GƆD mek ɔl di neshɔn dɛn fred am.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Jɔshwa 6:27

PAPA GƆD bin de ɛp Jɔshwa ɛn ɔlman bin yɛri bɔt am ɔlsay na da eria de.

Matyu 4:24

Di nyuz bɔt Jizɔs prɛd ɔlɔbɔt na Siria, dat mek dɛn kɛr ɔl dɛn sik pipul, dɛn wan we dɛn bɔdi de at dɛn ɛn dɛn wan we gɛt dɛbul insay dɛn, dɛn wan we gɛt fiks, ɛn dɛn wan we nɔ ebul waka, kam to am; Jizɔs mɛn dɛn ɔl.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Ɛsta 10:2

Dɛn rayt bɔt ɔl wetin i du fɔ sho se i gɛt pawa ɛn dɛn tɔk mɔ bɔt aw di kiŋ gi Mɔdikay big post, insay di buk we dɛn kɔl Kronikul, we na de dɛn kin rayt bɔt di kiŋ na Mɛdia ɛn Pashia.

Ɛksodɔs 11:3

PAPA GƆD mek di Ijipshian dɛn gi di Izrɛlayt dɛn wetin dɛn aks fɔ. Di kiŋ in ɔfisa dɛn ɛn di Ijipshian dɛn bin rɛspɛkt Mozis.

Di Sam Dɛm 92:13

I go fiba lɛkɛ we dɛn plant dɛn tik ya na PAPA GƆD in os we go de rɔju nain yad.