Ɛsta 9:3 - Krio Fɔs Oli Baybul

³ Di bigman dɛn, di gɔvna dɛn ɛn ɔl udat bin de wok fɔ di kiŋ, ɔl bin ɛp di Ju dɛn bikɔs dɛn bin de fred Mɔdikay.

Ɛsta 9:3 Referans Kwoze

Ɛzra 8:36

Dɛn gi di pepa we di kiŋ rayt to di gɔvna ɛn in ɔfisa dɛn na di wɛst pat na Riva Yufretis, ɛn dɛnsɛf gri fɔ sɔpɔt di ritɔni dɛn ɛn di wok na PAPA GƆD in os.

Daniɛl 3:2

Nain kiŋ Nɛbyukadnɛza sɛn fɔ lɛ ɔl di Rɛsidɛnt Minista dɛm, Di Distrikt Ɔfisa dɛm, di Distrikt Sɛktri dɛm, di Kanselɔ dɛm, di Trɛzhɔra dɛm, di magistret dɛm, di Jɔj dɛm, ɛn ɔl di bigman dɛm na di prɔvins dɛm, fɔ kam fɔ dɛdiket di imej we kiŋ Nɛbyukadnɛza dɔn mek.

Ɛsta 8:9

Dɛn kɔl di kiŋ in sɛktri dɛn insay di twɛnti-tri de na di tɔd mɔnt we nem Sivan ɛn dɛn rayt di mɛsej we Mɔdikay se bɔt di Ju dɛn, fɔ di gɔvna ɛn ɔda bigman dɛn frɔm India te rich Ithiopia dat na wan ɔndrɛd ɛn twɛnti-sɛvin prɔvins. Ɔl di prɔvins dɛn gɛt dɛn yon lɛta na di laŋwej we di pipul go ɔndastand ɛn di Ju dɛnsɛf gɛt dɛn yon lɛta na dɛn laŋwej.

Ɛsta 8:5

Ɛsta grap ɛn tinap bifo di kiŋ ɛn aks di kiŋ se, “If di kiŋ gladi wit mi, ɛn i wan fɔ du wetin a want, ɛn if i fil se na di rayt tin a de aks fɔ, lɛ i rayt ɔda lɛta dɛn we go chenj wetin de na di wan dɛn we Eman we na Agagayt dat na Amadetha in bɔypikin, bin rayt se dɛn fɔ dɔnawe wit ɔl di Ju dɛn na di prɔvins dɛn we di kiŋ de rul.

Ɛsta 3:12

Na di de we mek tɔtin insay di fɔs mɔnt, dɛn kɔl ɔl di kiŋ in sɛktri dɛn ɛn tɛl dɛn fɔ rayt ɔl wetin Eman se fɔ du. Dɛn rayt am to kiŋ in minista dɛn ɛn sɛn am to ɔl di gɔvna ɛn ɔda bigman dɛn na di difrɛn difrɛn prɔvins dɛn. Ɔl prɔvins gɛt in yon lɛta nain yon laŋwej. Dɛn put am de se na Kiŋ Zaksis rayt am ɛn dɛn yuz in riŋ fɔ stamp am.

Ɛzra 2:2

Di edman dɛn na Zɛrubabɛl, Jɛshwa, Nɛimaya, Sɛraya, Rilaya, Mɔdikay, Bilshan, Mispa, Bigvay, Reum ɛn Baana. Dɛn wan yaso kɔmɔt Izrɛl.

Ɛsta 8:17

Ɔlɔbɔt we dɛn yɛri di lɔ, di Ju dɛn gladi. Dɛn mek ɔlide ɛn sɛlibret. Bɔku pan di ɔda pipul bigin se dɛnsɛf na Ju, bikɔs dɛn bin de fred de Ju dɛn.