Ɛsta 8:5 - Krio Fɔs Oli Baybul

⁵ Ɛsta grap ɛn tinap bifo di kiŋ ɛn aks di kiŋ se, “If di kiŋ gladi wit mi, ɛn i wan fɔ du wetin a want, ɛn if i fil se na di rayt tin a de aks fɔ, lɛ i rayt ɔda lɛta dɛn we go chenj wetin de na di wan dɛn we Eman we na Agagayt dat na Amadetha in bɔypikin, bin rayt se dɛn fɔ dɔnawe wit ɔl di Ju dɛn na di prɔvins dɛn we di kiŋ de rul.

Ɛsta 8:5 Referans Kwoze

Ɛsta 7:3

Dɛn Kwin Ɛsta ansa am se, “Kiŋ sa, if yu gladi wit mi, a de aks mek dɛn nɔ kil mi ɛn mi pipul dɛn.

Ɛsta 5:8

If di kiŋ gladi wit mi, ɛn if yu want fɔ du wetin a want ɛn mek mi at swit, lɛ di kiŋ ɛn Eman kam bak tumara de we a go kuk fɔ dɛn fɔ it ɛn na da tɛm de a go aks di kiŋ wetin a wan aks am.”

Ɛsta 2:17

nain di kiŋ fɔl fɔ Ɛsta. I bin lɛk am pas ɔl di uman dɛn ɛn kin gladi we i si am pas ɔl di vajin dɛn, so di kiŋ wɛr di krawn na Ɛsta in ed ɛn mek am di kwin ɛn fɔgɛt bɔt Vashti.

Ɛsta 2:4

Di wan we di kiŋ go lɛk fɔ bi kwin fɔ tek Vashti in ples.” Di kiŋ gladi fɔ di advays ɛn du wetin dɛn se.

1 Samiɛl 20:29

I se Devid se in famili de mek sakrifays na di siti ɛn in brɔda dɛn aks am fɔ go. I se Devid se mek i trit am fayn ɛn lɛf am fɔ go si in brɔda dɛn. I tɛl in papa se na dat mek Devid nɔ de de.

Ɛksodɔs 33:16

I aks PAPA GƆD se aw i want in ɛn di pipul dɛn fɔ no se i lɛk dɛn. I se if i lɛk dɛn lɛ i de wit dɛn, bikɔs na dat go mek dɛn difrɛn frɔm di ɔda neshɔn dɛn na di wɔl.

Ɛksodɔs 33:13

Duya, if fɔ tru, tru se yu lɛk mi, tɛl mi wetin yu mekɔp fɔ lɛ a go de sav yu ɛn pliz yu. Nɔ fɔgɛt se na dɛn pipul ya yu dɔn pik fɔ bi yu yon.”

Ɛsta 3:1

Leta ɔn Kiŋ Zaksis promot Eman, di Agagayt man we na Amadetha in bɔypikin. I mek am bɔs fɔ ɔl di ɔda bigman dɛn we de wit am.