Ɛsta 8:16 - Krio Fɔs Oli Baybul

¹⁶ Ɔl di Ju dɛn bɔdi bin layt. Dɛn bin gladi. Ɔlman fred ɛn rɛspɛkt dɛn.

Ɛsta 8:16 Referans Kwoze

Di Sam Dɛm 97:11

Ɔl udat lɛk PAPA GƆD ɛn de du tin tret wan go si dɛn we klia as PAPA GƆD in blɛsin go shayn lɛk layt pan dɛn.

Prɔvabs 11:10

Wɛn bɛtɛ de fala gud pipul na siti, ɔlman de gladi, semweso wɛn bad pɔsin day, ɔlman de gladi.

Di Sam Dɛm 18:28

PAPA GƆD, mek a kɔntinyu fɔ si layf ɛn mek layt kam usay bin dak na mi layf.

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Di Sam Dɛm 112:4

Ivin we di ples dak, layt mɔs de to udat de du gud ɔltɛm bikɔs PAPA GƆD gud ɛn i gɛt sɔri-at so i de du wetin rayt.

Ɛsta 9:17

Dɛn du dat na di de we mek tɔtin na Ada mɔnt, dɔn di fotin de, dɛn blo ɛn sɛlibret wit gladi.

Ɛsta 4:16

Mɔdikay fɔ go gɛda ɔl di Ju dɛn na Susa ɛn dɛn fɔ fast ɛn pre fɔ am. I se dɛn nɔ fɔ it ɛn drink fɔ tri de ɛn tri nɛt ɛn insɛf wit in wokuman dɛnsɛf go fast. Dɔn i go mek drayay ɛn go insay go tɔk to di kiŋ pan ɔl we bay di lɔ i nɔ fɔ du dat; i se if i fɔ day, i go day.

Di Sam Dɛm 118:27

PAPA GƆD nain waŋren na PAPA GƆD, ɛn i dɔn blɛs in pipul. Lɛ ɔlman ol branch ɛn mach te rich usay di ɔlta de.

Di Sam Dɛm 30:12

we mek a ebul siŋ ɛn dans fɔ yu. A nɔ go sɛt mi mɔt. PAPA GƆD we na mi PAPA GƆD, a nɔ go ɛva taya fɔ tɛl yu tɛnki.

Prɔvabs 28:12

Wɛn pɔsin we de waka tret na PAPA GƆD in yay gɛt pawa, ɔlman de sɛlibret; bɔt wɛn bad pɔsin gɛt pawa, ɔlman de ayd.