Ɛsta 7:8 - Krio Fɔs Oli Baybul

⁸ Di kiŋ kɔmɔt na di os in gadin go insay usay dɛn bin de drink, i mit Eman butu na Ɛsta in fut fɔ beg am, bɔt da tɛm de, Ɛsta bin lidɔm na di sɛti. So di kiŋ se, “Yuwant fɔ rabish di kwin sɛf usay a de, na mi yon os?” Di wɔd nɔ kɔmɔt gud nain mɔt, dɛn dɔn kɔndɛm Eman.

Ɛsta 7:8 Referans Kwoze

Ɛsta 1:6

Dɛn drɛs di ples wit wayt kɔtin winda blayn ɛn blu kep we gɛt kɔd we dɛn ɛŋ pan silva riŋ wit fayn linin ɛn pɔpul, ɛn put sɛti we dɛn tek gold ɛn silva mek pan mabul tayl we tek difrɛn difrɛn kayn ston mek. Dɛn fiks af af pɔfiri, mabul, mɔta-ɔf-pal ɛn ɔda dia miniral ston dɛn, na di pevmɛnt usay dɛn put di sɛti dɛn.

Ɛsta 6:12

Afta dat, Mɔdikay go bak go sidɔm na di kiŋ in get bɔt Eman in put in an nain ed de kray ɛn go nain yon os.

Ayzaya 22:17

A de tɛl yu, PAPA GƆD go es ɛn trowe yu wit trɛnk, yu traŋa man. I go bɔkul yu tayt tayt wan,

Job 9:24

PAPA GƆD de mek bad pipul du wetin dɛn wan du na wɔl; i de mek di jɔj dɛn mek se dɛn nɔ de si. If nɔto PAPA GƆD na udat?

Ayzaya 49:23

Na kiŋ dɛn go tek una fɔ mɛn, ɛn na dɛn kwin dɛn go gi una bɔbi. Dɛn go butu dɛn fes na grɔn fɔ baw to una, ɛn lik di dɔti na una fut. Na datɛnde una go no se, na mi na PAPA GƆD; di wan dɛn we de luk to mi, nɔ go ɛva shem.”

Mak 14:65

Sɔm pan dɛn bigin fɔ pit pan Jizɔs; dɛn kɔba in fes, dɛn slap am, ɛn tɛl am se if in na prɔfɛt mek i tɛl dɛn udat slap am. Di gyad dɛnsɛf bigin slap Jizɔs.

Ɛsta 1:5

We dɛn dɔn da wande, di kiŋ mek ɔda pati fɔ sɛvin de fɔ ɔl udat tap insay Susa we na di kapital; bigman ɛn ɔdinari pɔsin dɛn, na di kɔmpawnd usay i tap.

Ɛsta 7:10

Di kiŋ se na fɔ kɛr Eman go ɛŋ am de. So dɛn kɛr am go ɛŋ am na di galos we i bin mek fɔ Mɔdikay. Dat mek di kiŋ in at kol.

Emɔs 3:12

PAPA GƆD tɔk igen se: “Lɛkɛ aw man we de mɛn ship kin de fɛt fɔ pul di ship kɔmɔt na layɔn in mɔt we na tu fut ɔ waŋren yes nɔmɔ i kin jɔg kɔmɔt na di layɔn in mɔt, ɔ lɛkɛ aw pɔsin de pul bed ed ɔ fut kɔmɔt sɔnsay bɔt lɛf di ɔda pat pan di bed, na so na tu-tri nɔmɔ go lɛf pan di Izrɛlayt dɛn we de na Sameria.”