Ɛsta 7:7 - Krio Fɔs Oli Baybul

⁷ Di kiŋ grap de blez lɛk faya go na do na di os in gadin; bɔt Eman in lɛf insay de beg Kwin Ɛsta mek i nɔ day, as i notis se di kiŋ wan pɔnish am.

Ɛsta 7:7 Referans Kwoze

Prɔvabs 19:12

Wɛn kiŋ vɛks, i tan lɛkɛ we wayl animal de rej, bɔt wɛn i lɛk yu, i tan lɛkɛ we ali mɔnin dyu de fɔdɔm.

Ɛsta 1:12

Bɔt Kwin Vashti nɔ gri go we di kiŋ sɛn di okobo dɛn fɔ kɔl am. Dis mek di kiŋ vɛks bad ɛn in fukfuk grap.

Rɛvɛleshɔn 3:9

As fɔ dɛn wan we de fala Setan, we de lay se dɛn na Ju, a go mek dɛn kam fɔdɔm na una fut ɛn a go mek dɛn ɔl no se a lɛk una.

Daniɛl 3:19

Nɛbyukadnɛza in at bin ful wit bad bad vɛksteshɔn ɛn in fes chenj pan Shedrak, Mishak ɛn Abɛdnigo. I gi ɔda se lɛ dɛn wam di big big ovin we faya de kech bad bad wan sɛvin tɛm pas aw dɛn kin wam am.

Ayzaya 60:14

Dɛn wan dɛn we bin de sɔprɛs yu, dɛn bɔypikin dɛn go kam de dɔbalɛ to yu, ɔl dɛn wan dɛn we nɔ tek yu mek natin go butu na yu fut; dɛn go kɔl yu, PAPA GƆD in Siti, di Oli Wan na Izrɛl in Zayɔn.

Prɔvabs 14:19

Bad pɔsin go de bega-bega to gud pɔsin ɔltɛm ɛn na so wikɛd pɔsin sɛf go de bega-bega to pɔsin we de waka tret na PAPA GƆD in yay.

Di Sam Dɛm 112:10

Di bad man go si ɔl dis ɛn i go vɛks. I go wan kil insɛf wit vɛksteshɔn. Ɔl wetin i abop pan na fɔ natin.

1 Samiɛl 25:17

I aks Abigɛl fɔ tink bɔt dat ɛn si wetin i go du bikɔs in fil se in masta dɔn fɛn trɔbul fɔ insɛf ɛn di wanol os. I se na man we in biznɛs traŋa ɛn i nɔ de lisin to nɔbɔdi.

1 Samiɛl 20:9

Jonɛthan ansa se i nɔ gɛt fɔ day. I se in bin fɔ tɛl Devid if i bin no se in papa wan du bad to am.

1 Samiɛl 20:7

Devid se if we Jonɛthan se so, in papa jɛs se ɔrayt, dɛn i sef, bɔt if in papa in at wam fɔseka dat, dɛn Jonɛthan fɔ ɔndastand se i want fɔ du sɔntin bad to am.

Ɛsta 1:5

We dɛn dɔn da wande, di kiŋ mek ɔda pati fɔ sɛvin de fɔ ɔl udat tap insay Susa we na di kapital; bigman ɛn ɔdinari pɔsin dɛn, na di kɔmpawnd usay i tap.

Ɛsta 7:10

Di kiŋ se na fɔ kɛr Eman go ɛŋ am de. So dɛn kɛr am go ɛŋ am na di galos we i bin mek fɔ Mɔdikay. Dat mek di kiŋ in at kol.

Prɔvabs 14:35

Kiŋ de gladi fɔ udat sabi in wok, bɔt fɔ udat nɔ de wok fayn, i de sho am pɛpɛ.

Prɔvabs 16:14

If Kiŋ vɛks i kin mek dɛn kil, bɔt if sɛnsman de nia am i kin kol in tɛmpa.