Ɛsta 7:4 - Krio Fɔs Oli Baybul

⁴ Dɛn dɔn sɛl mi ɛn mi pipul dɛn ɛn se, dɛn fɔ dɔnawe wit wi kpatakpata. If na sɛl dɛn bin sɛl wi man ɛn uman dɛnsɛf as slev, a nɔ bin fɔ se fiŋ, bikɔs di sɔfa we wi bin fɔ sɔfa nɔ bin fɔ rich di lɔsis we yu bin fɔ gɛt if dɛn sɛl wi.”

Ɛsta 7:4 Referans Kwoze

Ɛsta 3:9

I se, if di kiŋ want, i fɔ gi ɔda se dɛn fɔ dɔnawe wit dɛn. I se in go pe tɛn tawzin silva kɔpɔ to di wan dɛn we de du biznɛs fɔ di kiŋ, mek dɛn go kip am usay dɛn kin kip mɔni.

Ditarɔnɔmi 28:68

PAPA GƆD go mek dɛn kɛr dɛn go na Ijipt bak wit ship; di kayn travul we PAPA GƆD bin dɔn prɔmis dɛn se i nɔ go mek dɛn travul igen, ɛn na de dɛnsɛf go go tray fɔ sɛl dɛnsɛf as slev, bɔt nɔbɔdi nɔ go bay dɛn.

Ɛsta 3:13

Na spɛshal pipul dɛn kɛr di lɛta dɛn go na di difrɛn ples we se dɛn fɔ kil ɛn dɔnawe wit ɔl di Ju dɛn wɛda dɛn yɔŋ ɔ dɛn ol, dɛn na uman ɔ dɛn na pikin, dɛn ɔl fɔ day di sem de na di mɔnt we mek twɛlv in tɔtin de dɔn dɛn fɔ tek ɔl wetin dɛn gɛt.

Ɛsta 8:11

Insay di lɛta, di kiŋ gri se di Ju dɛn ɔlsay fɔ fɛt fɔ dɛn layf so dɛn kin kil ɛni ɔda pɔsin we atak dɛn fɔ kil dɛn. Dɛnsɛf kin kil dɛn wit dɛn pikin ɛn uman dɛn ɛn ivin tek dɛn tin dɛn na dɛn an,

Emɔs 2:6

PAPA GƆD tɔk se: “Di pipul na Izrɛl dɔn sin bɔku bɔku, ɛn a mɔs pɔnish dɛn fɔ dat. Dɛn de sɛl ɔnɛs pipul fɔ silva, dɔn di poman fɔ sandal.

Joɛl 3:6

I se dɛn dɔn sɛl di pipul na Juda ɛn Jerusɛlɛm gi di Grik dɛn ɛn pul dɛn kɔmɔt usay dɛn tap.

Ɛsta 7:6

Nain Ɛsta se, “Di pɔsin na ɛnimi! Na dis bad Eman!” Dɛn Eman in at pwɛl as i sidɔm wit fred frɔnt di kiŋ ɛn kwin.

Nɛimaya 5:5

Dɛn se, pan ɔl we na dɛn flɛsh ɛn blɔd ɛn dɛn kɔmpin kɔntriman dɛn pikin nɔ difrɛn frɔm dɛn yon pikin, dɛn stil tek dɛn yon pikin dɛn, bɔbɔ ɛn titi, fɔ mek dɛn fɔ wok lɛkɛ slev. Dɛn se, sɔm pan dɛn gyal pikin dɔn tɔn to prɔpa slev naw ɛn ɔl dis na bikɔs na ɔda pipul dɛn gɛt dɛn fam dɛn naw.

1 Samiɛl 22:23

So i tɛl Abiata fɔ lɛf to am as dɛn ɔltu gɛt di sem ɛnimi we want fɔ kil dɛn. Devid tɛl Abiata nɔ fɔ wɔri wans i de wit am, i sef.

Jɔshwa 9:23

Jɔshwa swɛ dɛn fɔ dat; i se frɔm da de de, sɔm pan dɛn go bi slev sote go fɔ jɔs de kɔt wud ɛn gɛt wata fɔ in PAPA GƆD in os.

Lyuk 12:45

Bɔt if di bɔy tɔk nain at se, ‘Mi masta nɔ go kam jisnɔ’ dɔn i bigin bit ɔl di ɔda man ɛn uman dɛn we de wok ɛn i jɛs de it, ɛn drink drɔnk,

Ɛsta 7:5

Kiŋ Zaksis aks Kwin Ɛsta se, “Udat gɛt maynd fɔ du da kayn tin de? Usay i de?”

Ɛsta 8:6

Aw a go sidɔm de luk wetin de bi to mi pipul dɛn? Ɛn uskayn bia a go bia fɔ si we mi pipul dɛn de day?”

Ɛsta 9:25

bɔt wɛn Ɛsta beg di kiŋ, i bin gi ɔda fɔ lɛ ɔl wetin Eman bin plan fɔ du tɔn bak pan am ɛn dat in ɛn in bɔypikin dɛn fɔ ɛŋ na galos.

Daniɛl 6:2

I bin put tri prɛsidɛnt oba dɛn ɛn Daniɛl na bin wan. Na to dɛn di Rɛsidɛnt Minista dɛn fɔ ripɔt, so dat di kiŋ nɔ go lɔsis atɔl.