Ɛsta 7:10 - Krio Fɔs Oli Baybul

¹⁰ Di kiŋ se na fɔ kɛr Eman go ɛŋ am de. So dɛn kɛr am go ɛŋ am na di galos we i bin mek fɔ Mɔdikay. Dat mek di kiŋ in at kol.

Ɛsta 7:10 Referans Kwoze

Di Sam Dɛm 7:16

Di trɔbul we i de mɛmba fɔ ɔda pɔsin go tɔn bak pan am. Aw i de yagba fɔ du ɔda pɔsin bad, na so ɔda pɔsin go yagba fɔ du am bad.

Daniɛl 6:24

Nain di kiŋ gi ɔda, ɛn dɛn briŋ ɔl dɛn man dɛn we bin go tɛl di kiŋ bɔt Daniɛl, dɛn pikin ɛn dɛn wɛf dɛn, ɛn trowe dɛn ɔl insay di say we dɛn layɔn dɛn de; bifo dɛn de fɔdɔm go dɔŋ so, di layɔn dɛn dɔn jomp, gɛda dɛn ɛn brok brok ɔl dɛn bon dɛn smɔl smɔl wan.

Izikɛl 5:13

“Na so a go ebul fɔ kol mi at fɔ di vɛks we a vɛks. Ɛn a go put mi vɛksteshɔn pan dɛm ɛn satisfay misɛf; ɛn dɛn go no se na mi PAPA GƆD dɔn tɔk, bikɔs ɔf di jɛlɔs we a de jɛlɔs fɔ dɛm, afta mi vɛksteshɔn go dɔn fɔdɔm pan dɛm.

Di Jɔj Dɛm 15:7

Nain Samsin tɛl di Filistin dɛn se if dɛn gɛt maynd fɔ du dat, in swɛ, in mɔs tɔn am gi dɛn; afta dat in go go.

Zɛkaraya 6:8

Di enjɛl tɛl am se, di wan dɛn we go nɔth na Babilɔn dɔn mek PAPA GƆD nɔ vɛks lɛk aw i bin vɛks igen

Ɛsta 2:1

Afta ɔl wetin dɔn bi ɛn di kiŋ in at dɔn kol, i bin de tink bɔt Vashti, aw i biev ɛn wetin in dɔn mek lɔ bɔt am.

Jɛnɛsis 40:22

bɔt i kil di edman fɔ di bekaman dɛn. Ɔltin apin jɛs lɛkɛ aw Josɛf bin tɛl dɛn.

Ɛsta 5:14

Dɛn in wɛf ɛn ɔl in padi dɛn de, se i fɔ bil wan galos we sɛvinti-fayv fut ay so dat na mɔnin, i go tɛl di kiŋ fɔ ɛŋ Mɔdikay de dɔn da tɛm de, dɛn kin go it to Ɛsta wit kolat. Eman gladi fɔ yɛri wetin dɛn se, ɛn i gi ɔda fɔ mek dɛn bil di galos.

Ɛsta 7:7

Di kiŋ grap de blez lɛk faya go na do na di os in gadin; bɔt Eman in lɛf insay de beg Kwin Ɛsta mek i nɔ day, as i notis se di kiŋ wan pɔnish am.

Ɛsta 7:8

Di kiŋ kɔmɔt na di os in gadin go insay usay dɛn bin de drink, i mit Eman butu na Ɛsta in fut fɔ beg am, bɔt da tɛm de, Ɛsta bin lidɔm na di sɛti. So di kiŋ se, “Yuwant fɔ rabish di kwin sɛf usay a de, na mi yon os?” Di wɔd nɔ kɔmɔt gud nain mɔt, dɛn dɔn kɔndɛm Eman.

Di Sam Dɛm 94:23

I go pe dɛn fɔ dɛn wikɛdnɛs; PAPA GƆD go dɔnawe wit dɛn. I go dɔn wit dɛn kpatakpata fɔ di bad we dɛn du.

Prɔvabs 11:27

Udat de du in bɛst fɔ du gud de gɛt rɛspɛkt; bɔt yu de fɛn trɔbul, trɔbul de fɛn am.

Prɔvabs 26:27

Udat dig ol fɔ in kɔmpin, nainsɛf go fɔdɔm insay de; ɛn if i put ston na rod fɔ lɛ i fɔdɔm, nain sɛf go fɔdɔm pan am.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Ɛsta 8:7

Kiŋ Zaksis tɛl Kwin Ɛsta ɛn Mɔdikay we na Ju se, “Una si we a dɔn gi Ɛsta, Eman in os ɛn a dɔn mek dɛn ɛŋ am na di galos bikɔs i want fɔ dɔnawe di Ju dɛn.

Ɛsta 9:14

So di kiŋ gi di pamishɔn ɛn mek dɛn mek am lɔ dɔn i mek dɛn ɛŋ Eman in tɛn bɔypikin.

Ɛsta 9:25

bɔt wɛn Ɛsta beg di kiŋ, i bin gi ɔda fɔ lɛ ɔl wetin Eman bin plan fɔ du tɔn bak pan am ɛn dat in ɛn in bɔypikin dɛn fɔ ɛŋ na galos.

Job 18:8

Nain yon fut i go tek waka go insay trap, ɛn di trap go ol am tayt.

Job 20:8

Dɛn go fɔgɛt bɔt am lɛk drim: i go lɔs lɛk tin dɛn we pɔsin kin si we i de slip.

Di Sam Dɛm 37:15

bɔt ɔl wetin mekɔp fɔ du dɛn go tɔn bak pan dɛn. Dɛn go chuk dɛnsɛf wit dɛn sɔd ɛn dɛn bo dɛn ɔl go brok.

Prɔvabs 11:8

PAPA GƆD de sev pɔsin we de waka tret na PAPA GƆD in yay pan trɔbul, bɔt udat bad, trɔbul nɔ de kɔmɔt biɛn am.

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.