Ɛsta 5:9 - Krio Fɔs Oli Baybul

⁹ Wɛn Eman kɔmɔt to Ɛsta i bin gladi ɛn in at layt, bɔt wɛn i si Mɔdikay na di get ɛn we Mɔdikay nɔ baw ɔ mek lɛk i si am, in fukfuk grap bak ɛn i vɛks bad pan Mɔdikay.

Ɛsta 5:9 Referans Kwoze

Ɛsta 3:5

So wɛn Eman notis se Mɔdikay stil nɔ de baw to am, dat mek in fukfuk grap.

Matyu 2:16

Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

Jems 4:9

Una fɔ mɛmba dɛn bad we una dɔn du; ɛn una fɔ sɔri ɛn kray fɔ dɛn. Una fɔ lɛf fɔ laf, una fɔ sɔri ɛn kray; una nɔ fɔ gladi, una fɔ sɔri.

Jɔn 16:20

A de tɛl una se: Una go kray bita bita wan, bɔt dɛn ɔda pipul na wɔl go gladi.

Lyuk 6:25

“Waala go kam pan una we gɛt ɔl wetin una want naw, bikɔs tɛm de kam we una go aŋri! “Waala go kam pan una we de laf naw, bikɔs tɛm de kam we una go kray bita wan!

Daniɛl 3:13

Nain Nɛbyukadnɛza vɛks bad bad wan, ɛn se lɛ dɛn briŋ Shedrak, Mishak ɛn Abɛdnigo to am. So dɛn bin briŋ dɛn kam to di kiŋ.

Di Sam Dɛm 27:3

If ivin wanol ami wan chalenj mi, a nɔ go yɛk sɛf; bifo a se dɛn wan mek wa pan mi, a nɔ go stil fred, a go trɔs PAPA GƆD.

Di Sam Dɛm 15:4

ɛn we nɔ de tɔlaret bad kɔmpin bɔt lɛk fɔ de usay pipul we de fred PAPA GƆD de, i de swɛ ɛn du wetin i se i go du no mata wetin i min.

Job 31:31

if di man dɛn na mi os nɔ kin de aks se udat de we nɔ bɛlful?

Job 20:5

bad pɔsin at nɔ kin swit fɔ lɔŋ, ɛn pɔsin we nɔ no PAPA GƆD sɛf na fɔ lili tɛm nɔmɔ?

Ɛsta 3:2

Ɔl di kiŋ in wokman dɛn we bin de de na di kiŋ in get kin baw we dɛn si Eman fɔ sho rɛspɛkt; bikɔs na so di kiŋ se. Bɔt Mɔdikay in nɔ gri baw.

Ɛsta 2:19

Wɛn di vajin dɛn gɛda bak, Mɔdikay in bin sidɔm na di kiŋ in get.

1 Kiŋ 21:4

Dat mek Eab go om swɛl wit vɛksteshɔn we Nebɔth tɛl am se mek PAPA GƆD nɔ gri sɛf fɔ mek i gi am in fɔstɛm-papa dɛn prɔpati. I lidɔm kwayɛt wan nain bed ɛn tɔn in fes to di wɔl, ɛn nɔ gri it natin.

Apɔsul Dɛn Wok 7:54

Wɛn dɛn bigman na di Ju gran kot yɛri wetin Stivin tɔk, dɛn vɛks bad.

Matyu 10:28

Una nɔ fred di wan dɛn we ebul kil pɔsin, bɔt dɛn nɔ ebul kil in sol; bɔt una fred Gɔd we kin pwɛl bɔdi ɛn sol na ɛl.

Ɛsta 5:13

I se ɔl dat nɔ de mek in at swit, bikɔs i de si Mɔdikay sidɔm na di kiŋ in get ɛvride.

1 Kiŋ 21:6

I ansa am se in beg Nebɔth da Jɛzrilayt fɔ lɛ i sɛl in vayn fam gi am, i nɔ gri; i se pan ɔl we i se in go gi am ɔda vayn frut fam fɔ da wande, Nebɔth stil nɔ gri.