Ɛsta 5:4 - Krio Fɔs Oli Baybul

⁴ Ɛsta se, “Kiŋ, if yu gri, mek yu ɛn Eman kam it to mi tide bikɔs a dɔn kuk fɔ una”.

Ɛsta 5:4 Referans Kwoze

Prɔvabs 29:11

Fulman kwik fɔ sho in tɛmpa gbangbaode, bɔt udat gɛt sɛns de peshɛnt ɛn kɔntrol insɛf.

Ɛsta 5:8

If di kiŋ gladi wit mi, ɛn if yu want fɔ du wetin a want ɛn mek mi at swit, lɛ di kiŋ ɛn Eman kam bak tumara de we a go kuk fɔ dɛn fɔ it ɛn na da tɛm de a go aks di kiŋ wetin a wan aks am.”

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

Di Sam Dɛm 112:5

Dɛn go du gud to udat insɛf de du gud we frian, ɛn i nɔ miks pan rog.

Ɛsta 3:15

Na so di pipul dɛn we de kɛr di ɔda go rawnd de ɔri bikɔs na so di kiŋ se, ɛn nainsay Susa we na di kapital di kiŋ bin gi di ɔda. Di kiŋ ɛn Eman sidɔm de drink bɔt dɛn bin dɔn gi ɔlman na di siti dɛn siriɔs kɔtat.

Jɛnɛsis 32:20

I wɔn dɛn bak se dɛn fɔ mek shɔ se dɛn tɛl Isɔ se in bɔbɔ Jekɔb de biɛn de kam. Jekɔb du so bikɔs i bin de op se we Isɔ si di prɛzɛnt dɛn in at go kol bifo dɛn tu mit. I se sɔntɛm Isɔ go gladi fɔ mi.

Jɛnɛsis 27:25

Na de Ayzak se, “Gi mi sɔm pan di it. We a it am dɔn a go blɛs yu.” So Jekɔb gi di it to in papa, wit sɔm wayn fɔ drink. Ayzak insɛf it bɛlful ɛn drink di wayn we Jekɔb sav am.

Ɛsta 5:3

Di kiŋ se, “Wetin du yu Kwin Ɛsta? Wetin yu want? I lɛk na af di kindɔm we a de rul, a go gi yu.”

Ɛsta 5:5

Di kiŋ sɛn go kɔl Eman kwik so dat dɛn go du wetin Ɛsta want dɔn dɛn ɔltu go to Ɛsta fɔ go it di it we i kuk.

Ɛsta 1:9

Kwin Vashti insɛf mek pati fɔ di uman dɛn insay Kiŋ Zaksis in os.