Ɛsta 5:2 - Krio Fɔs Oli Baybul

² wɛn di kiŋ si Kwin Ɛsta tinap na di kɔmpawnd, i mek di kiŋ in at swit, so i pɔynt di gold tik nain an. Dɛn Ɛsta waka lɛkɛ kwin go insay ɛn tɔch pantap di tik.

Ɛsta 5:2 Referans Kwoze

Ɛsta 8:4

Di kiŋ es di tik we dɛn mek wit gold fɔ sho se i gɛt pawa to Ɛsta,

Ɛsta 4:11

I se, ɔlman we de wok fɔ di kiŋ no se nɔn man ɔ uman nɔ fɔ go insay usay di kiŋ de, pas if insɛf kɔl am ɔ nɔ so i go day. I se di kiŋ gɛt fɔ pɔynt di tik we dɛn mek wit gold fɔ sho se i gɛt pawa, bifo di pɔsin go insay usay i de. Na dat nɔmɔ go mek di pɔsin nɔ day. Ɛsta se na tati de naw we di kiŋ nɔ sɛn fɔ am.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Apɔsul Dɛn Wok 10:4

Kɔnilyɔs skyad ɛn luk di enjɛl ɛn se, “Wetin yu want, sa?” Di enjɛl se, “Gɔd dɔn yɛri dɛn pre we yu kin de pre, i dɔn si di gud wok we yu dɔn du fɔ dɛn po pipul, ɛn i dɔn ansa yu.

Apɔsul Dɛn Wok 7:10

Gɔd bin de ɛp Josɛf ɔltɛm we i de pan trɔbul. Wɛn dɛn kɛr Josɛf go bifo di kiŋ na Ijipt, Gɔd blɛs Josɛf ɛn gi am sɛns; so di kiŋ mek Josɛf bi gɔvna na Ijipt ɛn i mek am di edman fɔ in os.

Di Sam Dɛm 116:1

A lɛk PAPA GƆD bikɔs i de yɛri mi; i de ansa mi prea.

Ɛsta 2:9

Egay kam lɛk in biznɛs ɛn na so i kin de magomago fɔ gi am di ɔyl we fɔ mek in bɔdi fayn, ɛn di it we i fɔ it, ɛn pik di sɛvin atɛndant we fɔ de wit am. I gi am di bɛst ples fɔ tap, usay di uman dɛn kin tap na di kiŋ in os.

Nɛimaya 1:11

PAPA GƆD duya yɛri mi prea. Lisin ɔl udat rɛdi fɔ du wetin yu want. Mek bɛtɛ fala mi as a de go tɔk to di Kiŋ.” Na mi bin de sav wayn to di kiŋ.

Jɛnɛsis 32:28

Nain di man tɛl am se in nɔ go nem Jekɔb igen In nem naw na Izrɛl bikɔs i dɔn chalenj wit PAPA GƆD ɛn mɔtalman, ɛn i dɔn win.