Ɛsta 4:3 - Krio Fɔs Oli Baybul

³ Nainsay ɔl di prɔvins we yɛri bɔt di kiŋ in ɔda, na soso kray di Ju dɛn de kray ɛn fast, dɔn bɔku pan dɛn wɛr saklɔth fɔ sho se dɛn sɔri.

Ɛsta 4:3 Referans Kwoze

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Daniɛl 9:3

Nain a put mi atɛnshɔn to PAPA GƆD de pre ɛn beg am. A wɛr chɛr chɛr klos ɛn rɔb ashis.

Ayzaya 58:5

Na dis kayn fast a pik, fɔ mek pɔsin ɔmbul insɛf wande? Na fɔ mek i butu in ed lɛk dɛn ay gras, ɛn fɔ prɛd saklɔth ɛn put asis ɔnda am? Yu go kɔl dis fast, ɛn de we PAPA GƆD go gri fɔ?

Ayzaya 22:4

Na dat mek a se: “Nɔ luk mi lɛf mi mek a kray bita bita wan; nɔ waala yusɛf fɔ koks mi fɔseka di nyakanyaka we dɛn nyakanyaka mi pipul dɛn gyal pikin.”

Matyu 25:30

Da bɔy de we nɔ bɛtɛ, mek dɛn trowe am na dak ples, usay i go kray bita wan ɛn bɛt in tɔŋ!’

Matyu 22:13

Di kiŋ tɛl in bɔy dɛn se, ‘Una tay dis man in an ɛn fut, ɛn trowe am na da dak ples we i go kray bita wan ɛn bɛt in tɔŋ!’”

Matyu 13:42

Ɛn di enjɛl dɛn go trowe di bad pipul dɛn na ɛl faya, ɛn dɛn go kray bita wan ɛn bɛt dɛn tɔŋ.

Ɛsta 4:16

Mɔdikay fɔ go gɛda ɔl di Ju dɛn na Susa ɛn dɛn fɔ fast ɛn pre fɔ am. I se dɛn nɔ fɔ it ɛn drink fɔ tri de ɛn tri nɛt ɛn insɛf wit in wokuman dɛnsɛf go fast. Dɔn i go mek drayay ɛn go insay go tɔk to di kiŋ pan ɔl we bay di lɔ i nɔ fɔ du dat; i se if i fɔ day, i go day.

Ɛsta 3:12

Na di de we mek tɔtin insay di fɔs mɔnt, dɛn kɔl ɔl di kiŋ in sɛktri dɛn ɛn tɛl dɛn fɔ rayt ɔl wetin Eman se fɔ du. Dɛn rayt am to kiŋ in minista dɛn ɛn sɛn am to ɔl di gɔvna ɛn ɔda bigman dɛn na di difrɛn difrɛn prɔvins dɛn. Ɔl prɔvins gɛt in yon lɛta nain yon laŋwej. Dɛn put am de se na Kiŋ Zaksis rayt am ɛn dɛn yuz in riŋ fɔ stamp am.

Ɛsta 1:1

Di tɛm we Kiŋ Zaksis we dɛn kin kɔl Aesuerɔs, bin de rul frɔm India te rich Ithiopia, i bin gɛt wan ɔndrɛd ɛn twɛnti-sɛvin prɔvins ɔnda am,

1 Samiɛl 11:4

Wɛn di pipul dɛn we dɛn sɛn to ɔlman na Izrɛl, rich Sɔl in siti we nem Gibia, ɛn tɛl dɛn ɔltin, dɛn ɔl bɔs kray lawd wan.

Ɛsta 4:2

i waka te i rich to di domɔt fɔ go to di kiŋ in get bikɔs nɔbɔdi nɔ fɔ wɛr saklɔth fɔ go insay di kiŋ in get.

Ɛsta 4:4

Wɛn di uman dɛn ɛn di ɔda okobo dɛn we bin de de wit Ɛsta tɛl am bɔt aw dɛn si Mɔdikay, Ɛsta in at pwɛl; i sɛn klos go gi Mɔdikay so dat i kin chenj bɔt Mɔdikay nɔ gri tek di klos dɛn.

Ɛsta 9:31

we de tɔk se di de dɛn we na fɔ Purim, dɛn fɔ du dɛn di rayt tɛm we Mɔdikay da Ju ɛn Kwin Ɛsta bin dɔn tɛl di Ju pipul dɛn se dɛn fɔ du wit dɛn jɛnareshɔn kɔnsanin di fast we dɛn fɔ fast ɛn di sɔri we dɛn fɔ sɔri.

Jɔshwa 7:6

Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Job 2:8

Job tek broko kle pɔt fɔ de krep in bɔdi ɛn i sidɔm na ashis.

Izikɛl 27:30

ɛn dɛn ɔl de kray lawd lawd wan fɔ yu, ɛn dɛn de kray bita bita wan. Dɛn de trowe dɔti na dɛn ed ɛn de rolpan asis.

Jona 3:6

Wɛn di kiŋ na Ninivɛ insɛf yɛri, i grap nain tron, pul in klos ɛn wɛr di sem munin klos ɛn kɔba insɛf wit ashis.