Ɛsta 3:9 - Krio Fɔs Oli Baybul

⁹ I se, if di kiŋ want, i fɔ gi ɔda se dɛn fɔ dɔnawe wit dɛn. I se in go pe tɛn tawzin silva kɔpɔ to di wan dɛn we de du biznɛs fɔ di kiŋ, mek dɛn go kip am usay dɛn kin kip mɔni.

Ɛsta 3:9 Referans Kwoze

Jɛnɛsis 23:16

Ebraam si wit am bɔt i stil pe am fo ɔndrɛd silva kɔpɔ fɔ di kev bifo ɔl di pipul dɛn lɛkɛ aw dɛn biznɛsman bin fɔ sɛl am.

Matyu 18:24

Wɛn di kiŋ bigin luk di buk, nain, wan in ɔfisa kɛr in kɔmpin ɔfisa we bin gɛt fɔ pe di kiŋ mɔni we rich wan milyɔn, go bifo am.

Ɛsta 3:8

Wande, Eman tɛl di kiŋ se sɔm rɛfyuji dɛn de ɔlɔbɔt nain kindɔm; i se dɛn difrɛn pas ɔl di pipul de ɛn dɛn nɔ de du wetin di kiŋ se, so di kiŋ nɔ go gen natin if i tɔlaret dɛn.

Ɛsta 3:10

So di kiŋ pul di riŋ nain fiŋa ɛn gi Eman we na Amadetha in bɔypikin we na di Ju dɛn ɛnimi.

Ɛsta 4:7

ɛn Mɔdikay tɛl am ɔl wetin dɔn bi ɛn di mɔni we Eman se i go put na di say we di kiŋ de kip in mɔni so dat di kiŋ go gri fɔ mek dɛn dɔnawe wit ɔl di Ju dɛn.

Ɛsta 7:4

Dɛn dɔn sɛl mi ɛn mi pipul dɛn ɛn se, dɛn fɔ dɔnawe wit wi kpatakpata. If na sɛl dɛn bin sɛl wi man ɛn uman dɛnsɛf as slev, a nɔ bin fɔ se fiŋ, bikɔs di sɔfa we wi bin fɔ sɔfa nɔ bin fɔ rich di lɔsis we yu bin fɔ gɛt if dɛn sɛl wi.”

Daniɛl 3:8

Da tɛn de, sɔn pan di Babilonian dɛn bin go tɔk wit bad at se di Ju dɛn dɔn du bad.