Ɛsta 3:8 - Krio Fɔs Oli Baybul

⁸ Wande, Eman tɛl di kiŋ se sɔm rɛfyuji dɛn de ɔlɔbɔt nain kindɔm; i se dɛn difrɛn pas ɔl di pipul de ɛn dɛn nɔ de du wetin di kiŋ se, so di kiŋ nɔ go gen natin if i tɔlaret dɛn.

Ɛsta 3:8 Referans Kwoze

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Jems 1:1

Na mi Jems we de wok fɔ Gɔd ɛn wi Masta Jizɔs Krays, de rayt to ɔl Gɔd in pipul dɛn we skata ɔlɔbɔt na wɔl. A de tɛl una ɔl adu!

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Apɔsul Dɛn Wok 24:5

Wi dɔn fɛnɔt se dis man ya na pɔsin we de sɛtfaya na di kɔntri, i de mek dɛn Ju pipul strayk ɔlsay na di wɔl ɛn in na di lida fɔ di grup we dɛn kɔl Nazarin.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?

Zɛkaraya 7:14

I se in go mek dɛn skata lɛk we tinada de blo go usay dɛn nɔ no bɔt dɛn. Na so di land we dɛn lɛf tek ɛmti. Da fayn fayn ples de ɛmti so.

Izikɛl 11:16

So tɛl dɛn se, “Papa Gɔd we na Gɔd se: ɛn pan ɔl we a dɔn pul dɛn go fawe kɔmɔt nia dɛn neshɔn dɛm, ɛn pan ɔl we a dɔn skata dɛm na di difrɛn difrɛn kɔntri dɛm, a bin stil de wit dɛn fɔ lili wayl na di kɔntri dɛn we dɛn bin dɔn go.’

Izikɛl 6:8

“Bɔt stil, a go lɛf sɔm fɔ una. Wɛn una go gɛt sɔm pan una we nɔ day, ɛn wɛn una dɔn skata na difrɛn difrɛn kɔntri dɛn,

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Nɛimaya 1:8

“Mɛmba wetin yu tɛl yu savant Mozis. Yu se if wi nɔ du wetin yu want wi fɔ du, yu go skata wi ɔlɔbɔt,

Ditarɔnɔmi 32:26

A bin fɔ dɔn kil dɛn ɔl lɔntɛm so nɔbɔdi nɔ go mɛmba dɛn.

Ditarɔnɔmi 30:3

datɛnde, PAPA GƆD we na dɛn PAPA GƆD go sɔri fɔ dɛn ɛn si dɛn lɛkɛ in yon pipul dɛn bak. PAPA GƆD go gɛda dɛn kɔmɔt na ɔl di kɔntri dɛn we i bin skata dɛn, ɛn mek dɛn gɛt ɔl dɛn jɛntri bak.

Pita In Fɔs Lɛta 1:1

Mi Pita, we na Krays in apɔsul, de rayt to una we Gɔd dɔn pik, we skata ɔlɔbɔt na Pɔnchɔs, Galeshya, Kapadoshia, Eshya ɛn Bitinya, we de lɛkɛ trenja na ɔl dɛn kɔntri ya.

Ɛsta 3:9

I se, if di kiŋ want, i fɔ gi ɔda se dɛn fɔ dɔnawe wit dɛn. I se in go pe tɛn tawzin silva kɔpɔ to di wan dɛn we de du biznɛs fɔ di kiŋ, mek dɛn go kip am usay dɛn kin kip mɔni.

Ɛsta 4:1

Wɛn Mɔdikay yɛri bɔt ɔl wetin dɛn dɔn du, i chɛr in klos fɔ sho se i nɔ gladi, wɛr saklɔth ɛn rɔb ashis pan insɛf de waka ɔlɔbɔt di siti de kray bita bita wan;

Jɛrimaya 33:24

“Yu nɔ yɛri we dɛn pipul dɛn ya de tɔk se, ‘PAPA GƆD dɔn drɛb di tu fambul dɛm we i bin dɔn pik’? Dɛn dɔn so luk mi pipul dɛm wit fɔni yay dat dɛn nɔ tan lɛk neshɔn to dɛm igin.

Daniɛl 3:8

Da tɛn de, sɔn pan di Babilonian dɛn bin go tɔk wit bad at se di Ju dɛn dɔn du bad.

Daniɛl 6:13

Nain di man dɛn ansa di kiŋ se, “Kiŋ, da Daniɛl we na wan pan di wan dɛn we kɔmɔt Juda, nɔ rɛspɛkt di lɔ we yu dɔn mek, bikɔs i de pre tri tɛm fɔ de.”

Di Nɔmba Dɛm 23:9

A de ay ɔp di il usay a kin si dɛn a kin wach dɛn gud usay a de so ɔp di il. A de si pipul dɛn we de to dɛnsɛf dɛn nɔ de biev lɛk ɔda pipul dɛn.

Ɛzra 4:6

We Kiŋ Zaksis bigin fɔ rul, Juda dɛn ɛnimi rayt am lɛta ɛn tɔk bad tin bɔt di pipul dɛn na Juda ɛn Jerusɛlɛm.

Daniɛl 6:14

We di kiŋ yɛri dat in at pwɛl bad, ɛn i bigin plan aw fɔ sev Daniɛl; ɛn i tray te ivin tɛm fɔ sev am.