Ɛsta 3:2 - Krio Fɔs Oli Baybul

² Ɔl di kiŋ in wokman dɛn we bin de de na di kiŋ in get kin baw we dɛn si Eman fɔ sho rɛspɛkt; bikɔs na so di kiŋ se. Bɔt Mɔdikay in nɔ gri baw.

Ɛsta 3:2 Referans Kwoze

Lɛta Fɔ Filipay 2:10

So fɔ ɔna Jizɔs, ɔl dɛn wan we de na ɛvin, ɔl dɛn wan we de na dis wɔl ɛn ɔl dɛn wan we de ɔnda dis wɔl, go nil dɔŋ bifo am,

Di Sam Dɛm 15:4

ɛn we nɔ de tɔlaret bad kɔmpin bɔt lɛk fɔ de usay pipul we de fred PAPA GƆD de, i de swɛ ɛn du wetin i se i go du no mata wetin i min.

Ɛsta 5:9

Wɛn Eman kɔmɔt to Ɛsta i bin gladi ɛn in at layt, bɔt wɛn i si Mɔdikay na di get ɛn we Mɔdikay nɔ baw ɔ mek lɛk i si am, in fukfuk grap bak ɛn i vɛks bad pan Mɔdikay.

Ɛsta 3:5

So wɛn Eman notis se Mɔdikay stil nɔ de baw to am, dat mek in fukfuk grap.

Ɛsta 3:1

Leta ɔn Kiŋ Zaksis promot Eman, di Agagayt man we na Amadetha in bɔypikin. I mek am bɔs fɔ ɔl di ɔda bigman dɛn we de wit am.

Ɛsta 2:21

Wande we Mɔdikay sidɔm na di kiŋ in get, Bigthan ɛn Terɛsh we na ɔda okobo dɛn ɛn na di kiŋ in sikyɔriti dɛn nain os, bin vɛks bad ɛn plan fɔ kil Kiŋ Zaksis.

Ɛsta 2:19

Wɛn di vajin dɛn gɛda bak, Mɔdikay in bin sidɔm na di kiŋ in get.

1 Samiɛl 15:3

So naw in di Sɔl fɔ go atak di Amalɛkayt dɛn ɛn dɔnawe wit dɛn kpatakpata. I nɔ fɔ lɛf natin, man, uman, pikin, bebi, kaw, ship, kamɛl, dɔŋki, dɛn ɔl fɔ go.

Ditarɔnɔmi 25:19

Mozis se we PAPA GƆD we na dɛn PAPA GƆD go dɔn mek dɛn dɔn kɔnka ɔl dɛn ɛnimi dɛn we de rawnd dɛn, ɛn dɛn dɔn sidɔm gud gud wan na di land we PAPA GƆD we na dɛn PAPA GƆD go dɔn gi dɛn as dɛn yon prɔpati, dɛn nɔ fɔ fɔgɛt fɔ kil ɔl di Amalɛkayt dɛn, ɛn wan nɔ fɔ lɛf, so nɔbɔdi nɔ go mɛmba dɛn igen na dis wɔl.

Ɛksodɔs 17:16

I tɔk bak igen se, “Es PAPA GƆD in bana ɔp. PAPA GƆD go fɛt di Amalɛkayt dɛn sote go.”

Ɛksodɔs 17:14

Dɛn, PAPA GƆD tɛl Mozis mek i rayt ɔl wetin apin na skrol we dɛn go de mɛmba, ɛn mek shɔ se Jɔshwa yɛri wetin i se, bikɔs i go pul di Amalɛkayt dɛn kpatakpata kɔmɔt na di wɔl.

Jɛnɛsis 41:43

I mek i rayd pan di ɔs ɛn karej we di sɛkɛn in kɔmand kin rayd ɛn in sikyɔriti dɛn de bifo de ala se, “Una gi rod! Una gi rod!” Na so Josɛf tek bi gɔvna na Ijipt.

Ɛsta 2:5

Wan Ju we nem Mɔdikay bin tap na Susa. Na bin Jeir we na Shimɛay in bɔypikin, in yon bɔypikin. Kish we na Bɛnjaminayt, na bin Jeir in grampa.

Ɛsta 3:3

Di kiŋ in wokman dɛn we bin de na di get aks Mɔdikay wetindu i nɔ de du wetin di kiŋ se.

Daniɛl 2:49

Daniɛl beg wan tin, ɛn di kiŋ bin mek Shedrak, Mishak ɛn Abɛdnigo edman dɛm oba Babilɔn prɔvins in biznɛs; bɔt Daniɛl in bin lɛf na di kiŋ in kot.