Ɛsta 3:12 - Krio Fɔs Oli Baybul

¹² Na di de we mek tɔtin insay di fɔs mɔnt, dɛn kɔl ɔl di kiŋ in sɛktri dɛn ɛn tɛl dɛn fɔ rayt ɔl wetin Eman se fɔ du. Dɛn rayt am to kiŋ in minista dɛn ɛn sɛn am to ɔl di gɔvna ɛn ɔda bigman dɛn na di difrɛn difrɛn prɔvins dɛn. Ɔl prɔvins gɛt in yon lɛta nain yon laŋwej. Dɛn put am de se na Kiŋ Zaksis rayt am ɛn dɛn yuz in riŋ fɔ stamp am.

Ɛsta 3:12 Referans Kwoze

1 Kiŋ 21:8

Jɛzibɛl yuz Eab in nem rayt lɛta dɛn ɛn yuz Eab in yon nem stamp, sɛn dɛn to di bigman dɛn na di siti we Nebɔth de.

Ɛsta 1:22

I sɛn lɛta go to ɔl di prɔvins we i de rul ɛn i mek shɔ se di lɛta we de go ɛnisay dɛn rayt am na di laŋwej we di pipul dɛn de de tɔk.

Daniɛl 6:15

Dɔn dɛn sem man dɛn mek plan ɛn go bak to di kiŋ go tɛl am se, “Mɛmba o, kiŋ, se insay di Mɛdis ɛn Pashian lɔ, nɔn lɔ nɔ de we di kiŋ go mek we fɔ chenj.”

Daniɛl 6:12

So di man dɛn go nia am ɛn go tɛl di kiŋ bɔt di lɔ we dɛn bin pas. Dɛn se, “Kiŋ, yu nɔ bin pas wan lɔ se ɛnibɔdi we pre to ɛni ɔda gɔd ɔ mɔtalman, ɛn nɔ pre to yu waŋren fɔ tati dez, dɛn fɔ trowe am insay usay dɛn layɔn dɛn de?” Nain di kiŋ ansa se “Natin nɔ chenj; wetin di Mɛdis ɛn Pashian dɛn lɔ se, nɔ de chenj atɔl.”

Daniɛl 6:8

So, wi kiŋ, pas di lɔ ɛn sayn di pepa, so dat natin nɔ go chenj am, bikɔs na di lɔ dis we di Mɛdis ɛn Pashian dɛn se nɔ fɔ brok atɔl, ɛn nɔ de ɛva chenj.”

Ɛsta 9:27

Di Ju dɛn mek shɔ se dɛn ɔl ɛn ɔl udat de wit dɛn jɔyn dɛn fɔ mɛmba dis de lɛkɛ aw dɛn bin dɔn se ɛn di tɛm we dɛn bin dɔn se,

Ɛsta 8:2

ɛn di kiŋ tek di riŋ we i pul na Eman in fiŋa gi Mɔdikay. Dɔn Ɛsta mek Mɔdikay de inchaj ɔf ɔl wetin Eman bin gɛt.

Ɛzra 8:36

Dɛn gi di pepa we di kiŋ rayt to di gɔvna ɛn in ɔfisa dɛn na di wɛst pat na Riva Yufretis, ɛn dɛnsɛf gri fɔ sɔpɔt di ritɔni dɛn ɛn di wok na PAPA GƆD in os.

Ɛsta 3:11

Di kiŋ tɛl Eman se lɛ i tek di mɔni bɔt i kin du wetin in want wit di pipul dɛn we i se.

Daniɛl 3:10

Kiŋ, yu bin dɔn mek wan lɔ se wɛn ɔl man yɛri we di ɔn, flut, gita, trayaŋul, ap, wan flut we nem bagpayp ɛn ɔl kayn muzik de ple, dɛn fɔ fɔdɔm ɛn wɔship di gold imej;

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.