Ɛsta 3:10 - Krio Fɔs Oli Baybul

¹⁰ So di kiŋ pul di riŋ nain fiŋa ɛn gi Eman we na Amadetha in bɔypikin we na di Ju dɛn ɛnimi.

Ɛsta 3:10 Referans Kwoze

Ɛsta 8:2

ɛn di kiŋ tek di riŋ we i pul na Eman in fiŋa gi Mɔdikay. Dɔn Ɛsta mek Mɔdikay de inchaj ɔf ɔl wetin Eman bin gɛt.

Jɛnɛsis 41:42

Di kiŋ pul in riŋ nain fiŋa we gɛt in mak pan am ɛn put am na Josɛf in fiŋa fɔ sho se i dɔn gɛt pawa. I wɛr fayn linin klos pan am, ɛn put gold chen rawnd in nɛk.

Ɛsta 7:6

Nain Ɛsta se, “Di pɔsin na ɛnimi! Na dis bad Eman!” Dɛn Eman in at pwɛl as i sidɔm wit fred frɔnt di kiŋ ɛn kwin.

Ɛsta 8:8

Una kin rayt wetin una want fɔ bi to di Ju dɛn in mi nem, yuz di kiŋ in riŋ fɔ stamp am; bikɔs ɛnitin we dɛn mi nem rayt ɛn yuz mi riŋ fɔ stamp am, nɔ de chenj.

Ɛsta 3:1

Leta ɔn Kiŋ Zaksis promot Eman, di Agagayt man we na Amadetha in bɔypikin. I mek am bɔs fɔ ɔl di ɔda bigman dɛn we de wit am.

Ɛsta 3:9

I se, if di kiŋ want, i fɔ gi ɔda se dɛn fɔ dɔnawe wit dɛn. I se in go pe tɛn tawzin silva kɔpɔ to di wan dɛn we de du biznɛs fɔ di kiŋ, mek dɛn go kip am usay dɛn kin kip mɔni.

Ɛsta 3:11

Di kiŋ tɛl Eman se lɛ i tek di mɔni bɔt i kin du wetin in want wit di pipul dɛn we i se.