Ɛsta 3:1 - Krio Fɔs Oli Baybul

¹ Leta ɔn Kiŋ Zaksis promot Eman, di Agagayt man we na Amadetha in bɔypikin. I mek am bɔs fɔ ɔl di ɔda bigman dɛn we de wit am.

Ɛsta 3:1 Referans Kwoze

Di Nɔmba Dɛm 24:7

Dɛn go ebul ful dɛn bokit dɛn wit wata; ɛn di sid dɛn we dɛn plant go gɛt beberebe wata. Dɛn kiŋ dɛn go tɔf pas Egag; dɔn dɛn go gɛt mɔ ples fɔ rul.

Daniɛl 6:2

I bin put tri prɛsidɛnt oba dɛn ɛn Daniɛl na bin wan. Na to dɛn di Rɛsidɛnt Minista dɛn fɔ ripɔt, so dat di kiŋ nɔ go lɔsis atɔl.

Ɛsta 5:11

We dɛn ɔl de de, i bigin blɔf bɔt aw i jɛntri, ɔmɔs bɔypikin i gɛt, aw di kiŋ dɔn promot am ɛn gi am big post, ɛn aw i impɔtant pas ɔl di ɔda bigman dɛn we de wok wit di kiŋ.

Ɛsta 3:10

So di kiŋ pul di riŋ nain fiŋa ɛn gi Eman we na Amadetha in bɔypikin we na di Ju dɛn ɛnimi.

1 Samiɛl 15:33

Bɔt Samiɛl tɛl am se lɛk aw i dɔn kil bɔku pipul dɛn we mek dɛn mami nɔ gɛt pikin igen, na so insɛf yon mama nɔ go gɛt pikin igen ɛn Samiɛl kil Egag frɔnt PAPA GƆD na Gilgal.

Jɛnɛsis 41:40

So i go mek am bi edman nain kɔntri fɔ di projɛkt, ɛn ɔl in pipul dɛn go obe am. Di wan tin nɔmɔ, Josɛf go de sɛkɛn to am.

Prɔvabs 29:2

Wɛn pɔsin we de waka tret na PAPA GƆD in yay de rul ɔlman de gladi, bɔt wɛn bad pɔsin de rul ɔlman de grɔmbul.

Di Sam Dɛm 12:8

Di bad man de blɔf we dɛn de tɔk bɔt di bad we i de du.

Ɛsta 8:3

Dɛn Ɛsta fɔdɔm na di kiŋ in fut de kray ɛn beg am fɔ du sɔntin we go mek di plan we Eman we na Agagayt bin dɔn mek fɔ kil di Ju dɛn nɔ go rayt.

Ɛsta 7:6

Nain Ɛsta se, “Di pɔsin na ɛnimi! Na dis bad Eman!” Dɛn Eman in at pwɛl as i sidɔm wit fred frɔnt di kiŋ ɛn kwin.

Ɛsta 1:14

Dɛn bin sidɔm nia am. Dɛn na Kashena, Shita, Admata, Tashish, Merɛs, Masɛna, ɛn Mɛmukan. Na dɛn sɛvin de inchaj ɔf di prɔvins dɛn na Pashia ɛn Mɛdia, ɛn na dɛn di kiŋ kin de tɔk wit. Na dɛn de nɛks to am.

Ɛzra 7:14

Mi ɛn mi sɛvin advaysa gi yu ɔda fɔ fɛnɔt aw tiŋs de kɛri ɔn na Jerusɛlɛm ɛn Juda, ɛn aw di pipul dɛn de obe yu GƆD in lɔ we i gi yu.

1 Samiɛl 15:8

I kil ɔlman bɔt lɛf Egag we na di Amalɛkayt dɛn kiŋ.

Jɛnɛsis 41:55

We di aŋri bigin fɔ mɔna di pipul dɛn na Ijipt, dɛn go kray to di kiŋ fɔ it, so di kiŋ tɛl dɛn fɔ go to Josɛf, ɛn du wetin i tɛl dɛn fɔ du.

Ɛkliziastis 10:6

na fulish pɔsin de gɛt gud pozishɔn, ɛn di wan dɛn we jɛntri de sidɔm na lo ples.