Ɛsta 2:9 - Krio Fɔs Oli Baybul

⁹ Egay kam lɛk in biznɛs ɛn na so i kin de magomago fɔ gi am di ɔyl we fɔ mek in bɔdi fayn, ɛn di it we i fɔ it, ɛn pik di sɛvin atɛndant we fɔ de wit am. I gi am di bɛst ples fɔ tap, usay di uman dɛn kin tap na di kiŋ in os.

Ɛsta 2:9 Referans Kwoze

Prɔvabs 16:7

Wɛn PAPA GƆD pliz wit pɔsin, i de mek in ɛnimi dɛnsɛf bi in padi.

Jɛnɛsis 39:21

Bɔt PAPA GƆD bin de wit Josɛf ɛn i blɛs am, ɛn mek di wɔda lɛk in biznɛs.

Ɛsta 2:12

Di uman dɛn go de fɔ twɛlv mɔnt de mek dɛnsɛf luk fayn lɛkɛ aw di kiŋ want; dɛn go tek siks mɔnt de rɔb ɔyl na dɛn bɔdi ɛn siks mɔnt de rɔb dɛn ɔda krim dɛn we kin pul fayn sɛnt. Bay da tɛm de dɛn fɔ dɔn rɛdi fɔ go insay to Kiŋ Zaksis bay tɔn.

Ɛsta 2:3

Lɛ di kiŋ mek ɔfisa dɛn na di difrɛn prɔvins dɛn aks ɔl di yɔŋgyal dɛn we na vajin we tap insay Susa we na di kapital, fɔ go na di say we dɛn uman kin go, dɔn i fɔ put Egay inchaj ɔf dɛn as nain na di okobo we kin de inchaj ɔf di uman dɛn; fɔ gi dɛn ɔyl fɔ dɛn bɔdi so dɛn go luk frɛsh.

Daniɛl 1:9

Ɛn PAPA GƆD mek di edman fɔ di okobo dɛn gɛt sɔri at fɔ Daniɛl.

Ɛzra 7:6

Dis Ɛzra na bin gud bukman. I sabi Mozis in lɔ gud gud wan, dat na di lɔ we PAPA GƆD, Izrɛl dɛn GƆD bin gi di Izrɛlayt dɛn. Ɛzra kɔmɔt Babilɔn go Jerusɛlɛm. Bikɔs PAPA GƆD bin de wit Ɛzra, ɛnitin we i tɛl di kiŋ fɔ du nain i kin du.

Apɔsul Dɛn Wok 7:10

Gɔd bin de ɛp Josɛf ɔltɛm we i de pan trɔbul. Wɛn dɛn kɛr Josɛf go bifo di kiŋ na Ijipt, Gɔd blɛs Josɛf ɛn gi am sɛns; so di kiŋ mek Josɛf bi gɔvna na Ijipt ɛn i mek am di edman fɔ in os.

Di Sam Dɛm 106:46

I mek ɔl udat bin dɔn kapchɔ dɛn sɔri fɔ dɛn.

1 Kiŋ 8:50

Fɔgiv yu pipul fɔ we dɛn sin agens yu; fɔgiv dɛn fɔ ɔl di bad bad tin dɛn we dɛn go dɔn du to yu ɛn mek di pipul dɛn we kapchɔ dɛn sho dɛn masi,

Nɛimaya 2:8

A aks bak fɔ ɔda lɛta fɔ gi Esaf, di man we de luk afta di kiŋ in fɔrɛst, so dat i go gi mi bod fɔ di get dɛn na PAPA GƆD in os, bod fɔ di wɔl na di siti ɛn bod fɔ tek bil di os we a fɔ tap. Di kiŋ gri fɔ du ɔl wetin a aks am bikɔs PAPA GƆD bin de wit mi.

Ɛsta 5:2

wɛn di kiŋ si Kwin Ɛsta tinap na di kɔmpawnd, i mek di kiŋ in at swit, so i pɔynt di gold tik nain an. Dɛn Ɛsta waka lɛkɛ kwin go insay ɛn tɔch pantap di tik.

Jɛnɛsis 39:4

Pɔtifa in at bin so tek am dat i lɛf ɔl in biznɛs nain os nain an.