Ɛsta 1:6 - Krio Fɔs Oli Baybul

⁶ Dɛn drɛs di ples wit wayt kɔtin winda blayn ɛn blu kep we gɛt kɔd we dɛn ɛŋ pan silva riŋ wit fayn linin ɛn pɔpul, ɛn put sɛti we dɛn tek gold ɛn silva mek pan mabul tayl we tek difrɛn difrɛn kayn ston mek. Dɛn fiks af af pɔfiri, mabul, mɔta-ɔf-pal ɛn ɔda dia miniral ston dɛn, na di pevmɛnt usay dɛn put di sɛti dɛn.

Ɛsta 1:6 Referans Kwoze

Emɔs 6:4

Waala go mit dɛn wan dɛn we de kak na ayvri bed ɛn strɛch dɛnsɛf na dɛn kawch dɛn, de it yɔŋ ship bif pan di ship dɛn, ɛn yɔŋ kaw we kɔmɔt na di wɔrɛ.

Izikɛl 23:41

Ɛn yu bin sidɔm pan wan ɔfishal kawch, we bin gɛt tebul, we prɛd wit fayn fayn tebul klos, ɛn na de yu bin dɔn put mi insɛns ɛn mi ɔyl.

Emɔs 2:8

Klos we pɔsin go plɛj to dɛn, nain dɛn de wɛr fɔ kam slip nia dɛn ɔlta dɛn. Di rɔm we nain dɛn se pipul fɔ pe, nain dɛn de drink insay mi os, we na dɛn PAPA GƆD in os.

Ɛsta 7:8

Di kiŋ kɔmɔt na di os in gadin go insay usay dɛn bin de drink, i mit Eman butu na Ɛsta in fut fɔ beg am, bɔt da tɛm de, Ɛsta bin lidɔm na di sɛti. So di kiŋ se, “Yuwant fɔ rabish di kwin sɛf usay a de, na mi yon os?” Di wɔd nɔ kɔmɔt gud nain mɔt, dɛn dɔn kɔndɛm Eman.

Ɛsta 8:15

Dɛn Mɔdikay kɔmɔt usay di kiŋ de wit in blu ɛn wayt klos lɛkɛ di wan we kiŋ kin wɛr, wit gold krawn ɛn kot we dɛn tek fayn linin ɛn pɔpul matirial mek. Da tɛm de, na so ɔlman insay Susa de ala wit gladi.

Ɛksodɔs 26:1

“Dɔn igen, yu fɔ mek di tɛnt we a de de wit tɛn piɔ fayn linin matirial. Yu fɔ yuz rɛd, blu ɛn pɔpul matirial. Yu fɔ dizayn Chɛryubim pan am.

1 Samiɛl 28:23

Sɔl nɔ gri. I se in nɔ de it. Bɔt di man dɛn we i go wit ɛn di uman kɔntinyu fɔ beg am te i gri. I grap na grɔn, sidɔm na di bed.

Emɔs 3:12

PAPA GƆD tɔk igen se: “Lɛkɛ aw man we de mɛn ship kin de fɛt fɔ pul di ship kɔmɔt na layɔn in mɔt we na tu fut ɔ waŋren yes nɔmɔ i kin jɔg kɔmɔt na di layɔn in mɔt, ɔ lɛkɛ aw pɔsin de pul bed ed ɔ fut kɔmɔt sɔnsay bɔt lɛf di ɔda pat pan di bed, na so na tu-tri nɔmɔ go lɛf pan di Izrɛlayt dɛn we de na Sameria.”