Ɛsta 1:4 - Krio Fɔs Oli Baybul

⁴ I bin de sho ɔlman in jɛntri we i gɛt bikɔs in na kiŋ, ɛn di fayn fayn we we in de wit kiŋ rɛspɛkt, fɔ lɔŋ tɛm. Dat na wan ɔndrɛd ɛn eti de.

Ɛsta 1:4 Referans Kwoze

Job 40:10

“If na so i bi, lɛ a si di rɛspɛkt ɛn pawa we yu gɛt; drɛs wit dia dia klos dɛn we kiŋ dɛn kin wɛr.

Rɛvɛleshɔn 4:11

“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Matyu 4:8

Wɛn dat dɔn, Setan kɛr am go pantap wan ay ay il ɛn sho am ɔl dɛn neshɔn na wɔl wit ɔl dɛn pawa ɛn jɛntri.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Daniɛl 4:36

Na da tɛm de mi sɛns kam bak to mi, ɛn fɔ mi kindɔm in gud nem, mi kiŋ rɛspɛkt ɛn fayn fayn tin ɔl kam bak to mi. Di wan dɛn we kin de advays mi ɛn mi Rɛsidɛnt Minista dɛn ɔl kam fɛn mi ɛn dɛn put mi bak na mi kindɔm, ɛn stil mɔ ɛn mɔ rɛspɛkt bin de kam na mi layf.

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Izikɛl 28:5

Na wit yu bɔku sɛns we yu gɛt pan tredin yu dɔn tek ad mɔ jɛntri, so yu dɔn prawd fɔseka yu jɛntri–

Ayzaya 39:2

Ɛzikaya tɛl dɛn kabɔ; ɛn sho dɛn usay i kip ɔl in jɛntri, di silva, di gold, di spays dɛm, di dia dia ɔyl, ɔl in wɛpɔn dɛm ɛn ɔl wetin i kip nain sto dɛm. Natin nɔ bin de nain os ɔ in kindɔm we Ɛzikaya nɔ sho dɛm.

Di Sam Dɛm 145:5

A go tɔk bɔt aw yu wɔndaful, a go de stɔdi mɔ bɔt yu wɔndaful wok dɛn.

Di Sam Dɛm 93:1

PAPA GƆD na Kiŋ, i wɛr fayn klos lɛk kiŋ. I tɔf ɛn i gɛt trɛnk. I dɔn mek ɔltin na di wɔl ɛn natin nɔ go chenj am.

Di Sam Dɛm 45:3

Yu na kiŋ, nɔ fɔgɛt fɔ ol yu wɛpɔn; bikɔs nain de sho se yu na tɔf man.

Di Sam Dɛm 21:5

As yu de ɛp am win batul, na so in pipul de rɛspɛkt am; yu dɔn mek i gɛt ɛyɛ we i de rul in pipul.

1 Kronikuls 29:25

So PAPA GƆD gi Sɔlɔmɔn ay ay rɛspɛkt na di wanol Izrɛl dɛn yay, ɛn gi am bi big ɔna we nɔn kiŋ bifo am na Izrɛl nɔ gɛt.

Ɛsta 1:3

Na bin di tɛm we i bin dɔn bi kiŋ fɔ tri ia, i mek pati fɔ in bigman dɛn, wokman dɛn ɛn di ami chif dɛn we de na Pashia ɛn Mɛdia, wit di aristo dɛn ɛn di gɔvna dɛn we de usay i de rul.

Ɛsta 1:5

We dɛn dɔn da wande, di kiŋ mek ɔda pati fɔ sɛvin de fɔ ɔl udat tap insay Susa we na di kapital; bigman ɛn ɔdinari pɔsin dɛn, na di kɔmpawnd usay i tap.