Ɛsta 1:3 - Krio Fɔs Oli Baybul

³ Na bin di tɛm we i bin dɔn bi kiŋ fɔ tri ia, i mek pati fɔ in bigman dɛn, wokman dɛn ɛn di ami chif dɛn we de na Pashia ɛn Mɛdia, wit di aristo dɛn ɛn di gɔvna dɛn we de usay i de rul.

Ɛsta 1:3 Referans Kwoze

Mak 6:21

Di tɛm rich we Ɛrodias gɛt chans fɔ du wetin i want du Jɔn. Wande, Kiŋ Ɛrɔd bin mek pati fɔ in batde. Di kiŋ kɔl dɛn bigman we de wok na dɛn gɔvmɛnt ɔfis, dɛn ami ɔfisa ɛn dɛn bigman na di kɔntri fɔ go di pati.

Daniɛl 5:1

Kiŋ Bɛlshaza bin mek wan pati fɔ wan tawzin pan in Rɛsidɛnt Minista dɛn, ɛn i bin drink wayn bifo dɛn wan tawzin pipul de.

Ɛsta 2:18

Di kiŋ mek pati fɔ Ɛsta ɛn kɔl ɔl di bigman dɛn ɛn in wokman dɛn. I mek ɔlide de na ɔl di prɔvins ɛn sheb prɛzɛnt we na kiŋ nɔmɔ kin sheb.

1 Kiŋ 3:15

Wɛn Sɔlɔmɔn wek na da tɛm de i no se na drim i bin de drim. I go na Jerusɛlɛm ɛn tinap bifo PAPA GƆD in Kɔvinant Bɔks ɛn mek animal ɛn pis sakrifays; dɔn i mek pati fɔ ɔl in ɔfisa dɛn.

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Ayzaya 21:2

Dɛn sho mi wan siriɔs siriɔs vishɔn; di man we de lut, de lut, ɛn di pɔsin we de nyakanyaka, de nyakanyaka. Yu Ilam, go atak, le ambush, yu Mɛdia; A go tap ɔl di pini we i dɔn mek una pini.

Jɛnɛsis 40:20

Insay tri de di kiŋ mek pati fɔ in bathde ɛn kɔl ɔl in ɔfisa dɛn; i pul di tu man dɛn kɔmɔt na jel ɛn mek dɛn tinap bifo di ɔfisa dɛn.

Daniɛl 8:20

As fɔ di manship wit di tu ɔn we yu si, di tu ɔn na fɔ di Midian ɛn Pashian kiŋ dɛn.

Daniɛl 6:1

Dariɔs bin gladi fɔ put wan ɔndrɛd ɛn twɛnti Rɛsidɛnt Minista ɔlsay na di kindɔm.

Daniɛl 5:28

Pɛrɛz min se yu kindɔm dɔn sheb ɛn PAPA GƆD dɔn gi am to di Mɛdis ɛn Pashian pipul dɛn.

Ɛsta 1:14

Dɛn bin sidɔm nia am. Dɛn na Kashena, Shita, Admata, Tashish, Merɛs, Masɛna, ɛn Mɛmukan. Na dɛn sɛvin de inchaj ɔf di prɔvins dɛn na Pashia ɛn Mɛdia, ɛn na dɛn di kiŋ kin de tɔk wit. Na dɛn de nɛks to am.

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Ɛsta 1:4

I bin de sho ɔlman in jɛntri we i gɛt bikɔs in na kiŋ, ɛn di fayn fayn we we in de wit kiŋ rɛspɛkt, fɔ lɔŋ tɛm. Dat na wan ɔndrɛd ɛn eti de.

Ɛsta 3:7

Insay di fɔs mɔnt we nem Nisan, afta we Kiŋ Zaksis dɔn rul fɔ twɛlv ia, dɛn bin de mek Pur, dat na lukgrɔn bifo Eman ɛvride, ɛvri mɔnt fɔ twɛlv mɔnt, te di nɔmba twɛlv mɔnt we nem Ada.