Ɛsta 1:19 - Krio Fɔs Oli Baybul

¹⁹ I se, if di kiŋ lɛk i fɔ sɛn tɛl ɔlman se Vashti nɔto Kwin igen ɛn dat i nɔ fɔ ɛva kam bifo am igen I se di kiŋ fɔ rayt di lɔ insay usay di Mɛdis ɛn di Pashian dɛn lɔ de so dat nɔbɔdi nɔ go chenj am. I se di kiŋ fɔ fɛn ɔda pɔsin we sabi biev pas Vashti.

Ɛsta 1:19 Referans Kwoze

Ɛsta 8:8

Una kin rayt wetin una want fɔ bi to di Ju dɛn in mi nem, yuz di kiŋ in riŋ fɔ stamp am; bikɔs ɛnitin we dɛn mi nem rayt ɛn yuz mi riŋ fɔ stamp am, nɔ de chenj.

1 Samiɛl 15:28

So Samiɛl tɛl am se PAPA GƆD dɔn pul Izrɛl kɔmɔt nain an da de de ɛn i dɔn gi am to in neba we na ɔda pɔsin we bɛtɛ pas am.

Ɛsta 8:5

Ɛsta grap ɛn tinap bifo di kiŋ ɛn aks di kiŋ se, “If di kiŋ gladi wit mi, ɛn i wan fɔ du wetin a want, ɛn if i fil se na di rayt tin a de aks fɔ, lɛ i rayt ɔda lɛta dɛn we go chenj wetin de na di wan dɛn we Eman we na Agagayt dat na Amadetha in bɔypikin, bin rayt se dɛn fɔ dɔnawe wit ɔl di Ju dɛn na di prɔvins dɛn we di kiŋ de rul.

Daniɛl 6:17

Nain dɛn tek wan ston ɛn kɔba di ples we dɛn layɔn dɛn de in domɔt. Nain di kiŋ stamp am wit in stamp we de nain riŋ ɛn wit di bigman dɛnsɛf yon stamp so dat natin nɔ go chenj pan Daniɛl in kes.

Ɛsta 3:9

I se, if di kiŋ want, i fɔ gi ɔda se dɛn fɔ dɔnawe wit dɛn. I se in go pe tɛn tawzin silva kɔpɔ to di wan dɛn we de du biznɛs fɔ di kiŋ, mek dɛn go kip am usay dɛn kin kip mɔni.

1 Kiŋ 3:28

Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.

Ɛsta 1:21

Di kiŋ ɛn ɔl di bigman dɛn we yɛri wetin Mɛmukan se gladi ɛn di kiŋ du wetin i se.

Ɛsta 1:18

I se da de de, di bigman dɛn na Pashia ɛn Mɛdia dɛn wɛf we go dɔn yɛri bɔt wetin di kwin du, go de yuz di stori fɔ fityay dɛn man.

Ɛsta 2:1

Afta ɔl wetin dɔn bi ɛn di kiŋ in at dɔn kol, i bin de tink bɔt Vashti, aw i biev ɛn wetin in dɔn mek lɔ bɔt am.