Ɛsta 1:10 - Krio Fɔs Oli Baybul

¹⁰ Di de we mek sɛvin, we di kiŋ in at layt bikɔs i dɔn drink bɔku wayn, i tɛl Mɛuman, Biztha, Abona, Bigtha, Abagtha, Zitha ɛn Kakas, di sɛvin okobo we de fɔ de wach wetin de apin na di kiŋ in os,

Ɛsta 1:10 Referans Kwoze

Ɛsta 7:9

Abona we na wan pan di okobo dɛn we kin wok fɔ di kiŋ tɛl am se di galos, we Eman bin dɔn bil fɔ Mɔdikay we bin mek dɛn nɔ kil di kiŋ de na Eman in os. I se i ay sɛvinti-fayv fut.

Di Jɔj Dɛm 16:25

So, we dɛn dɔn fil fayn, dɛn bigin tɔk se lɛ dɛn pul Samsin kɔmɔt na do mek dɛn tek am mek fɔn. Dɛn pul am kɔmɔt na prizin ɛn tek am mek fɔn. Dɛn mek i tinap bitwin di pila dɛn.

Prɔvabs 20:1

Wayn de mek yu nɔ tek natin mek natin, ɛn ad lika de mek yu lɔs kɔntrol; so ɛnibɔdi we rɔm opin yay pan na styupid mɔtalman.

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

Jɛnɛsis 43:34

Di it we dɛn bin sav dɛn na pan di wan we bin de na Josɛf in tebul. Bɛnjamin in yon it bin bɔku fayv tɛm pas dɛn ɔl. So dɛn it ɛn drink fri wan wit Josɛf.

Ɛkliziastis 10:19

Fɔ it na fɔ ɛnjɔy, wayn de mek yu at layt, ɛn mɔni de mek yu nɔ krach yu ed fɔ natin.

Di Jɔj Dɛm 19:6

So dɛn tu sidɔm it ɛn drink. Nain di gyal in papa tɛl di Livayt se mek i fil fri fɔ slip de da de de bak, so dɛn go ɛnjɔy dɛnsɛf.

Ruth 3:7

Wɛn Boaz dɔn it ɛn drink dɔn, in at layt. I go lidɔm midul di sid dɛn we dɛn payl. Di uman go saful, pul in kɔbaklos ɛn lidɔm to in fut.

Ɛsta 1:9

Kwin Vashti insɛf mek pati fɔ di uman dɛn insay Kiŋ Zaksis in os.

Ɛsta 3:15

Na so di pipul dɛn we de kɛr di ɔda go rawnd de ɔri bikɔs na so di kiŋ se, ɛn nainsay Susa we na di kapital di kiŋ bin gi di ɔda. Di kiŋ ɛn Eman sidɔm de drink bɔt dɛn bin dɔn gi ɔlman na di siti dɛn siriɔs kɔtat.

Prɔvabs 31:4

Lɛmuɛl! I nɔ fayn o! I nɔ fayn fɔ lɛ kiŋ de drink wayn, i nɔ fayn fɔ lɛ kiŋ lɛk rɔm.