Lɛta Fɔ Ɛfisɔs 6:9 - Krio Fɔs Oli Baybul

⁹ Una we na masta, na so unasɛf fɔ de du to dɛn pipul we de wok to una. Una nɔ fɔ tɛl dɛn ɛnitin we go mek dɛn at ɛŋ. Una fɔ no se una Masta we de na ɛvin na di Masta fɔ ɔlman ɛn i nɔ fil se wan pɔsin bɛtɛ pas in kɔmpin.

Lɛta Fɔ Ɛfisɔs 6:9 Referans Kwoze

Lɛta Fɔ Kɔlɔse 3:25

Ɛnibɔdi we de du bad, Gɔd go gi am in pe; Gɔd de jɔj ɔlman di sem we.

Apɔsul Dɛn Wok 10:34

Pita se, “Fɔ tru, Gɔd nɔ de luk ɛnibɔdi bɛtɛ pas in kɔmpin.

Lɛta Fɔ Rom 2:11

Gɔd go jɔj ɔlman di sem we.

Lyuk 6:31

Dɛn tin we una want mek ɔda pipul du to una, nain una fɔ du to dɛn.

Matyu 7:12

“Dɛn tin we una want mek ɔda pipul du to una, nain una fɔ du to dɛn. Na dat di Lɔ we Gɔd gi Mozis ɛn dɛn prɔfɛt se.

Ditarɔnɔmi 10:17

PAPA GƆD we na dɛn PAPA GƆD, na di PAPA GƆD fɔ ɔl ɔda gɔd dɛn, ɛn Lɔd fɔ ɔl dɛn Lɔd dɛn. Na big ɛn wɔndaful PAPA GƆD. I nɔ de tek sayd ɛn nɔbɔdi nɔ ebul brayb am.

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Jems 2:8

Una de du di rayt tin if una de fala Gɔd, we de rul wi in lɔ we rayt nain Buk se, “Una fɔ lɛk una kɔmpin, lɛkɛ aw una lɛk unasɛf.”

1 Kɔrint 1:2

de rayt to una ɔl we na Kristiɛn na Kɔrint, we Gɔd kɔl fɔ bi in yon ɛn we dɔn bi in yon, bikɔs una gɛt wanwɔd wit Jizɔs Krays, ɛn a de rayt igen to ɔl dɛn pipul ɔlɔbɔt na wɔl we de pre wit Jizɔs Krays in nem. Na wi Masta ɛn dɛn Masta.

Jɔn 13:13

Una de kɔl mi Ticha ɛn Masta, ɛn na di rayt tin una de tɔk, bikɔs mi na Ticha ɛn Masta.

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

1 Kɔrint 7:22

Ɛnibɔdi we na bin slev wɛn di Masta kɔl am fɔ du in wok, di Masta dɔn fri am; semwe so, ɛnibɔdi we Krays dɔn kɔl fɔ du in wok, we i dɔn fri, dɔn bi Krays in slev.

Matyu 24:51

Di masta go pɔnish am bad wan, ɛn i go put am na di ples we dɛn ipokrit pipul de kray bita wan ɛn bɛt dɛn tɔŋ; insɛf go kray bita wan ɛn bɛt in tɔŋ.

Matyu 24:48

Bɔt if di bɔy na bad pɔsin, i go se, ‘Mi masta nɔ de kam kwik’,

Matyu 22:10

So di bɔy dɛn go na trit ɛn gɛda ɔl di pipul dɛn we dɛn ebul gɛt fɔ kam na di pati. Dɛn kɔl gud pipul ɛn bad pipul. Di ples we dɛn mek di pati ful pim wit di pipul dɛn we dɛn kɔl fɔ kam it.

Matyu 22:8

I kɔl in ɔda bɔy dɛn ɛn tɛl dɛn se, ‘Di mared pati dɔn rɛdi, bɔt di pipul dɛn we a bin kɔl fɔ kam na di pati nɔ fit fɔ kam de.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Daniɛl 3:6

ɛn dɛn go trowe ɛnibɔdi we nɔ fɔdɔm flat ɛn wɔship am insay wan big big ovin we faya de kech bad bad wan.”

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Di Sam Dɛm 140:12

A no se PAPA GƆD de fɛt fɔ poman ɛn mek dɛn gɛt dɛn rayt.

Nɛimaya 5:5

Dɛn se, pan ɔl we na dɛn flɛsh ɛn blɔd ɛn dɛn kɔmpin kɔntriman dɛn pikin nɔ difrɛn frɔm dɛn yon pikin, dɛn stil tek dɛn yon pikin dɛn, bɔbɔ ɛn titi, fɔ mek dɛn fɔ wok lɛkɛ slev. Dɛn se, sɔm pan dɛn gyal pikin dɔn tɔn to prɔpa slev naw ɛn ɔl dis na bikɔs na ɔda pipul dɛn gɛt dɛn fam dɛn naw.

1 Samiɛl 15:17

Samiɛl tɛl am se pan ɔl we i nɔ bin de luk insɛf wit bɛtɛ yay, i bi kiŋ na Izrɛl. I mɛmba am se na PAPA GƆD anɔynt am fɔ bi kiŋ na Izrɛl

Lɛvitikɔs 19:13

Nɔ ple rikishi pan yu kɔmpin ɛn tif am. If man fɔ pe pɔsin fɔ wok we i du, di man fɔ mek shɔ se i pe di pɔsin we du di wok di sem de we di wok dɔn.

Job 34:19

pɔsin we nɔ de tek jɛntriman pat, ɛn de si jɛntriman ɛn poman di sem we, bikɔs nain mek dɛn ɔl?

Lɛta Fɔ Kɔlɔse 4:1

Una dɛn masta, una fɔ de du wetin rayt ɛn gud to di pipul dɛn we de wok fɔ una. Una fɔ mɛmba se unasɛf gɛt Masta we de na ɛvin.